8 RECIPES (Closed)

筲箕灣東大街遍佈食店，今天專程同朋友來探探這條聞名的食街。鄰近地鐵站，交通十分方便，在狹窄的馬路兩旁，食肆一間緊貼一間，真的難於選擇。偶爾被一間8字咖啡店吸引到，店舖名稱是 8 recipes。門口兩旁放咗個木箱及木櫈，可以邊吃，邊看街景，但天氣太熱，還是選擇內進冷氣坐位。坐下來即叫左2杯野飲凍檸茶及凍朱古力解解暑。呷著冰凍朱古力，慢慢在餐牌點選了菠菜胡麻醬沙律、紅肉火龍果蟹肉意粉、鮮素菜忌廉煙三文魚芝士焗飯。菠菜清新爽嫩成為沙津主菜，再以小紅茄，櫻桃蘿蔔，胡麻醬拌勻，成為女生寵幸食物。紅肉火龍果抗氧化，補鐵，營養價值高，紫紅色果肉打成汁液煮意粉，鮮紅奪目的意粉，再鋪上絲絲鮮味濃厚既彈牙蟹肉，加幾食用朵鮮花作陪襯，鮮艷嘅顏色，美食打卡冇得輸，而意粉沒有肥膩感覺，清淡感覺，成為另一道特式煮意👍。煙三文魚，芝士，焗飯是最佳配搭。這道鮮素菜、忌廉煙三文魚芝士焗飯相當美味，掀起焦香的芝士醬汁溶入三文魚焗飯，愛吃素的，不容錯過。😋+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊