民華餐廳

Open Now

Now Closed

係東薈城附近番工食lunch不嬲都會令肥妹仔幾頭疼,因為選擇真係唔多!!!!!而如果一定要肥妹仔我係無咩選擇下揀一間覺得性價比唔錯既餐廳,民華就會係肥妹仔我既不二之選!常餐$41 (包一杯熱飲)烘牛油多士, 腸仔炒蛋sorry, 肥妹仔咬咗幾啖多士先記得影相!!個烘多士好好食,每一啖都充滿牛油香,多士烘得又香又脆!!!!高水準之作....炒蛋炒得唔會太老,合格!腸仔普通用水烚,no comment!鮮茄牛麵呢個肥妹仔都係第一次食,食落都有驚喜!!!!先講個蕃茄湯底,個湯係比較杰身既果一種,應該係用某牌子既罐頭蕃茄湯開出黎,味道微酸而且又有小小蕃茄粒,都算係咁!!!牛肉無咩調過味但食得出牛肉果種牛味,幾新鮮,impress到肥妹仔我!!!!麵就普通公仔麵,not bad!熱奶茶um.....老實講佢既奶茶沖得普普通通,有小小稀,茶同奶味都唔濃,麻麻地!!!