盈福小廚 (Closed)

悶悶地同個同事O完T兩個人去食飯，見到間外型幾靚既舖頭， 就諗住入去豪食一餐入面啲裝修都唔錯，好有夜上海嘅感覺(而我不知道夜上海是什麼~) 坐得都算幾舒服好彩呢度D野食都唔算太貴，你知啦如果食得貴就俾女朋友鬧架! 個同事又係搞笑嘅，竟然叫左個例湯，男人老狗學人飲湯降火! 今日例湯係粉葛鯪魚赤小豆湯，OT完飲呢個真係超舒服啊~ 鯪魚都唔算太咸而且店方仲將煲呢個湯嘅渣都俾我地，以示真材實料呢個炒飯成個火山口咁，其實味道真係幾唔錯，好入味，而且咸味相當平均，唔會好似有啲餐廳落鹽，會令到你食食下變左食一舊鹽~ 香蔥味都好夠，而且好似有少少蝦醬味，份量FOR 2個人真係夠，如果係女仔，可能3-4個人都得另外係呢度嘅名菜虎蝦踏雪，簡單嚟講其實係上等版嘅蝦仁炒蛋，不過佢用上虎蝦做個蝦仁，同埋改左做炒蛋白，加上一啲松子，整道菜變得平凡得嚟又唔平凡，而且重點係好好餸飯~ 不過同蝦仁炒蛋唔同在於個蝦仁同炒蛋分得好開~其實呢間野都幾好味，咁樣叫法，都只不過係每人二百幾，不過唔好坐得太耐囉, 十點幾都無哂人咯。