烤魚工房 (旺角商業大廈)

Open Now

Now Closed

尋晚約左個朋友一齊去旺角商業中心果間烤魚工房食，環境幾有氣氛，服務態度就因為繁忙時間有d趕，不過唔差既，主打都係烤魚啦，今次食鮮青椒味清江魚，另外仲叫左杯芒果沙冰，烤鮮魷魚，烤茄子，烤豆皮同埋紅糖糍粑，續樣講下啦，烤魚我覺得條魚都整得好滑，份量夠，不過我就比較怕食辣，所以叫左杯芒果沙冰黎鮮辣，芒果沙冰打得夠沙，因為有飲過打唔夠，有某d冰好大粒，呢次就冇咁既問題，而且芒果味好濃，應該落足果肉打，其實烤茄子烤豆皮同烤鮮魷都好濃味，可能食得淡既朋友會覺得太鹹，我就食開濃味，所以覺得冇問題，埋單兩個人6百頭，間中去食都唔會話太貴