Seafood Stand (Closed)

尋日同男朋友仔一齊放工後，諗住去樂富果邊搵下有咩野食，行行下，結果比我地搵到一間吾錯的餐廳，就系Seafood Stand啦。7點多見到入面好少人，以為質素麻麻啦，但男朋友話見個餐牌幾吸引，所以都選擇左呢間。入到去，環境幾舒適，又有外國音樂聽。原來有幾張枱系客人一早預留左，不過我地果時都有卡位坐。我地嗌左一份肉眼扒跟飯，5成熟、一份牛肉漢堡配煙肉焗飯、再追加春卷同豬仔脾。兩個餐都有跟餐湯-羅宋湯。個湯好香，好好味。而肉眼扒5成熟就剛剛好，吾會有好多血出，肉質好嫩同有肉香味。而個牛肉漢堡厚度剛剛好，煙肉吾會好似出面果d太咸。而追加果兩樣小食價錢相當便宜，春卷好脆，豬仔脾好香。整體來講，都算吾錯了。