Video
Read full review
2008-11-19
16 views
再一次同好友食家"乜都放入窿"四圍搵食, 本來一至決定去老尖食卡巴, 皆因好友食家"乜都放入窿"話呢間野好正, 介紹師傅一定要試, 可惜去到高朋滿座, 想搵個位坐下都冇, 唯有轉場, 由於好友食家"乜都放入窿"一早已經做好兩手準備, 而後備正正係呢間食店!入到去竟然唔算多人, 地方光猛乾淨, 一坐底梗係要睇下有咩好食啦, 睇左好耐發覺樣樣都好吸引, 樣樣都想食, 諗左好耐, 最後師傅都係揀左個貴d嘅蔥鹽燒黑毛和牛牛肋骨飯定食, 而好友食家"乜都放入窿"就柯打左火燒藍鰭吞拿赤身飯定食!邊閒談邊等, 好快就有得食! 先講下師傅嘅蔥鹽燒黑毛和牛牛肋骨飯定食, 定食有麵豉湯, 沙律, 蒸蛋同前菜; 搶先試下啖湯, 麵豉湯味道唔會過濃過咸, 味道唔錯; 而前菜就有茄子, 味道可以, 不過不失; 沙律就係菜絲沙律, 入口清爽開胃, 一流; 蒸蛋就非常滑身, 唔使點咬已經可以吞得, 正呀; 至於主菜蔥鹽燒黑毛和牛牛肋骨飯, 蔥花確實非常多, 黑毛和牛牛肋骨嘅件數唔算好多, 不過佢又抵死到送飯啱啱好, 黑毛和牛牛肋骨肉身夠鬆夠香, 確實美味, 正呀; 而好友食家"乜都放入窿"嘅火燒藍鰭吞拿師傅亦有幸一
入到去竟然唔算多人, 地方光猛乾淨, 一坐底梗係要睇下有咩好食啦, 睇左好耐發覺樣樣都好吸引, 樣樣都想食, 諗左好耐, 最後師傅都係揀左個貴d嘅蔥鹽燒黑毛和牛牛肋骨飯定食, 而好友食家"乜都放入窿"就柯打左火燒藍鰭吞拿赤身飯定食!
邊閒談邊等, 好快就有得食! 先講下師傅嘅蔥鹽燒黑毛和牛牛肋骨飯定食, 定食有麵豉湯, 沙律, 蒸蛋同前菜; 搶先試下啖湯, 麵豉湯味道唔會過濃過咸, 味道唔錯; 而前菜就有茄子, 味道可以, 不過不失; 沙律就係菜絲沙律, 入口清爽開胃, 一流; 蒸蛋就非常滑身, 唔使點咬已經可以吞得, 正呀; 至於主菜蔥鹽燒黑毛和牛牛肋骨飯, 蔥花確實非常多, 黑毛和牛牛肋骨嘅件數唔算好多, 不過佢又抵死到送飯啱啱好, 黑毛和牛牛肋骨肉身夠鬆夠香, 確實美味, 正呀; 而好友食家"乜都放入窿"嘅火燒藍鰭吞拿師傅亦有幸一試, 發覺味道夠鮮, 肉身唔會燒得過火, 係有少少腥啦, 但整體尚算唔錯!
總括黎講食物質素出色, 環境舒服加上服務殷勤有禮, 而價錢並算合理, 師傅揀左個貴嘅要成百五蚊, 而好友食家嗰個就係九十八, 可以接受; 師傅食日式定食都唔少, 但真係冇咩邊間好似呢間咁正, 所以一定有下次, 因為師傅仲有好多野想試, 笑臉一定要比啦, 點走得甩呢?
是次好彩有好友食家"乜都放入窿"嘅兩手準備, 否則都未必食到咁正嘅食物!
Post
