Plato Cafe & Bistro (吳松街)

呢間餐廳本身係油麻地起家~ 之後係佐敦開左分店，咁岩約朋友係附近買野，所以就係呢間餐廳食晚飯!係門口都已經感受到呢間餐廳的誠意，因為門口放左不同種類的消毒用品係到俾大家用。入去之前仲會幫你度一度體溫，冇發燒先可以入去。入到去睇完餐牌見個二人餐係最抵食，所以就叫左二人餐!!頭盤係白酒煮蜆~ 蜆係新鮮的大蜆~ 蜆肉鮮甜，加埋白酒煮唔錯唔錯....食完之後就有湯同麵包，餐湯係磨菇湯個湯夠熱，呢樣真係好緊要，因為好多時係香港食西餐個湯係真心唔熱...或者係你知道佢用微波燼叮完個種熱...但呢到個湯絕對唔係呢兩樣...係真係煮出黎的!加埋佢個麵包條一齊食，碗湯係幾好飲的!不過我食開濃味野，就覺得可以濃小小，朋友慣左食淡小小就覺得岩岩好!主菜係牛扒同雜菇RISOTTO牛扒係非常好食，有肉味，唔會柴，有肉汁，份量都唔細!!配菜都有心機的，特別係車里茄唔係平時大陸貨.....咬開會爆汁!雜菇RISOTTO都係用返西班牙米，一睇就知!上面的PRAMA HAM輕輕煎左一煎，有油香但又唔會過肥，加埋落飯入面食岩岩好!飯本身係淡的，但有火腿的肉味同油香，夾埋就岩岩好!!最後仲有個TIRAMISU做甜品，中間個