越南好味館 (Closed)

個人來講，都好鍾意食東南亞菜，越南嘢當然就係其中之一啦。見到呢間越南菜好似大推牛骨湯底咁，咁就想試試佢啦。我就揀咗最大路嘅生牛肉湯河加一杯凍檸茶。個面嚟到，超級大碗，一見到就知道唔會食得晒。佢仲有超多芽菜。既然推薦得個湯底，第一啖梗係咩都唔落就飲湯啦，不過一飲覺得比想像中淡（可能我食得太重口味）不過lunch來講，佢份量都對得住價錢嘅。而佢杯凍檸茶，片檸檬係用青檸，比平時港式茶餐廳嘅檸茶好飲，有一陣青檸嘅香味。