Video
Read full review
2018-06-26
2100 views
中上環呢邊有唔少特色小店，而朋友喺呢頭返工話試過呢度既lunch覺得正，所以就約我黎呢度一齊食dinner尚未走進餐店已經見到有多本雜誌對呢間食日、法混合菜既介紹，令我對呢間餐廳既菜式更有興趣-店內有兩層，氣氛環境都唔錯（之後店員仲話我知呢度原來可以包場，可以坐到20多人）朋友話呢度既薩摩雞腿好出色，叫我一定要試下睇完一輪meun之後，我地就決定要一份“Chef's Dinner Course（跟焗赤雞薩摩雞腿）”HKd$498+10%，再另外散點一份前菜同Pasta 一齊share首先黎到既係dinner course既前菜拼盤一共有三款，三款味道各有特色，味道都相當唔錯，當中既雞肝醬用上薩摩雞既雞肝所做成，食落香濃醇厚，質感順滑，好有驚喜之後我地單點既“吞拿魚蓉油鹽麴漬配香草醬法包”HKd$98+10%亦都到場呢款前菜完全能夠體現到日法fusion既味道，經過鹽麴醃調既吞拿魚蓉味鮮而不過咸，配配上法式既脆包一齊食，我同朋友都係得相當滿意跟住dinner course既餐湯係“蟹肉番茄凍湯”個餐湯都絕無欺場，好足料大量既鮮蟹肉配上甜甜酸酸既蕃茄凍湯，清新開胃，真係好岩夏天飲食完出色
尚未走進餐店已經見到有多本雜誌對呢間食日、法混合菜既介紹，令我對呢間餐廳既菜式更有興趣
-
店內有兩層，氣氛環境都唔錯（之後店員仲話我知呢度原來可以包場，可以坐到20多人）
朋友話呢度既薩摩雞腿好出色，叫我一定要試下
睇完一輪meun之後，我地就決定要一份“Chef's Dinner Course（跟焗赤雞薩摩雞腿）”HKd$498+10%，再另外散點一份前菜同Pasta 一齊share
首先黎到既係dinner course既前菜拼盤
一共有三款，三款味道各有特色，味道都相當唔錯，當中既雞肝醬用上薩摩雞既雞肝所做成，食落香濃醇厚，質感順滑，好有驚喜
之後我地單點既“吞拿魚蓉油鹽麴漬配香草醬法包”HKd$98+10%亦都到場
呢款前菜完全能夠體現到日法fusion既味道，經過鹽麴醃調既吞拿魚蓉味鮮而不過咸，配配上法式既脆包一齊食，我同朋友都係得相當滿意
跟住dinner course既餐湯係“蟹肉番茄凍湯”
個餐湯都絕無欺場，好足料
大量既鮮蟹肉配上甜甜酸酸既蕃茄凍湯，清新開胃，真係好岩夏天飲
食完出色既前菜又飲到開胃既凍湯之後，我對主菜當然更有期待啦
朋友大讚既“赤焗薩摩雞腿”確實無令人失望，除左火雞腿之外，真係第一次食咁大隻既雞腿！！！
雞腿以鐵板形式呈上，由店員即場為我地倒下醬汁，帶有蜜糖香甜既醬汁配以外皮脆薄不帶油脂、肉質結實又不失嫩滑既薩摩雞腿，使人食得滋味，難怪朋友食完大讚
而Pasta我地就揀“廣島蠔新鮮意大利扁麵”HKd$188+10%
呢碟意大利扁麵都好有驚喜呀
麵質彈牙而掛汁，當中既醬汁帶有蠔既鮮味，十分濃郁
廣島蠔就有四大粒，粒粒飽滿而肥嫩，毫無腥味
嗰晚dinner course既甜品係“朱古力卷蛋”，呢個甜品又係當晚既既另一亮點
真心估唔到跟餐既甜品都會做得咁出色
呢件小卷蛋，雖然外表平平，但内在超“美”（係美味既美呀！！！）
朱古力卷蛋既蛋糕綿密濕潤又不失彈性，而捲住既係濃滑不膩既creamcheese，味道合拍，好耐都無係餐廳入面食到咁出眾既卷蛋啦
-
個卷蛋完全開啟左我地既甜品mode，所以我地即刻order多份“法式焦糖燉蛋”HKd$68+10%黎食，表面焦脆而燉蛋細滑既Crème brûlée同時無失手，食完真係非常滿足
呢晚由前菜至甜品，環境至服務我地都好滿意，的確值得一試
Post
