陀地燒 (Closed)

上星期同朋友去左中上環食個飯傾計, 唔想食太多澱粉質, 所以我地齊齊揀左話食串燒, 朋友住係餐廳附近, 好彩佢早幾日過左黎訂位, 黎到現場有客人walk in都要等位喔串燒有得散叫或二人餐, 我地想叫自己鍾意食既串燒所以揀左散叫, 最平$8串起, 我地叫左差唔多十款唔同串燒牛油蜜糖烤麻糬食落好煙刃, 燒牛肉調味適中, 燒得剛好又夠軟熟孜然蒜茸豆皮串估唔到有驚喜, 豆皮入面夾左濃郁既孜然蒜茸粒, 食落辣辣地又惹味, 豆皮口感薄脆, 超鍾意!陀地燒茄子肥大肉多, 面頭既炸蒜辣蔥夠哂香, 一絲一絲既茄子肉軟熟得得入口即溶, 愈食愈停唔到口陀地燒生蠔同元貝好出色, 生蠔雖然燒到縮左少少, 但食落依然保留到個蠔味同仲有汁, 元貝燒得剛剛好, 唔會燒到乾哂身, 食落依然鮮甜肉厚, 正!黃金奶黃包賣相好吸引, 炸得好好食, 外層非常酥脆, 餡係似吉士醬咁比較結身, 唔係流心效果, 不過點煉奶食真係無得輸, 可以一食過下口癮另外仲叫左雞軟骨、雞翼、燒豬頸肉、孜然燒土豆同甜蜜燒波蘿, 依幾款味道正常發揮, 食得串燒都係必點之一!當晚好滿足, 真心好抵食, 係中上環區可以食到平民價錢串燒, 係好難得! 我