ALO ALO Vietnamese’s Cafe (Closed)

早排睇蘋果介紹依間越南河，話係越南人開，所以就過嚟食lunch。食得越南河，就梗係要試佢碗生牛河啦。佢牛質唔錯，重牛味，無筋亦唔韌。不過湯底麻麻，唔算話好香或者清，似係溝咗嘢多過似係自己熬嘅湯，當然我唔知啦，但飲落麻麻地。至於份量都係偏少，無論麵定肉都少。我同同事之後因為唔夠而再嗌咗份春卷，春卷好夠脆同唔會太油，加埋啲配料都幾好味。環境方面地方唔算大，但枱與枱之間都算闊落，所以坐得都算舒服。同埋老闆們都好好禮貌。