La Rosabelle Bar & Grill

Open Now

Now Closed

發現將軍澳奧南海岸依一區真係開咗好多特色又有高質嘅好餐廳，今次就比我發現咗依一間嘅西式餐廳，而且嘢食仲要好高質😆一嚟到發現依度嘅裝修好有特色，側邊掛咗好多油畫，好似去咗中世紀嘅歐洲咁樣，好有文藝氣息，而且餐廳仲有戶內同埋戶外，淨係戶內已經有兩層，地方好大，而且嘢食都好好味㗎，各位朋友可以過嚟試吓😚👍🏻首先講吓個前菜，有粟米忌廉湯同埋兩個蒜蓉包，粟米忌廉湯熱辣辣，裏面有好多粟米，而家冬天飲暖下胃仲好開胃😋另外我同朋友叫咗兩個主菜首先係牛肉漢堡配薯條呢度嘅牛肉漢堡都可以揀幾成熟，我揀咗五成熟，熱到岩岩好，手工牛肉食落口好鮮嫩，好香牛味，而且仲有薯條脆卜卜，可以點住番茄醬食，超級飽肚😉另一個係烤雞配薯菜，烤雞都係高水準嘅發揮，肉質勁鮮嫩😋另外仲有兩杯嘢飲，包括係熱奶茶同埋凍檸茶，總括嚟講餐廳性價比好高，以後會再嚟食！