The Balcony (Closed)

今天和同事來吃午餐，同事點了蘑菇湯，佢飲左2啖話臭臭地叫我地聞下，我地2個聞完都話臭就梗係叫侍應黎同佢講換沙律，都叫佢自己聞下連佢都話臭。我地估因我地係第一枱客，個湯可能加左生水煮開但未滾透又未調好味所以一浸洗碗水味。主菜我同同事都嗌左紐西蘭鱈魚諗住貴啲($158 a set)會好掛但好失望，肉鞋無魚味同事嗰舊仲係腥既，上面個sauce根本就係日本甜豉油，我地2個都係入得廚房之人大家極有同感認為呢間係伏店。另一個同事食意粉不特別。甜品是綠茶布甸我生酮緊唔食得但同事一食上面粒士多啤梨即吐出來。包咖啡或茶的，但$520三個呢個價絕對唔合理。所以一定要同中環友報告以免更多人中伏。