拉麵來 (Closed)

大坑拉麵來，好難會再來。真係唔岩我地口味(我唔想用"好難食"呢三個字，因為各花入各眼)，係我呢世仔食過最難接受既拉麵。因為佢係一個特濃豬骨湯、特濃雞湯，濃到好杰，杰到不似出面既湯。我唔排除有人鍾意食，但我倆唔岩口味。佢既濃直頭係似煲乾水既濃。叉燒又淡，純被佢超日式既裝修呃咗。佢既湯只有濃，沒有香！：(街口另外有間拉麵播住電視，有阿So介紹的片段，事後諗番早知信阿So講野唔鬥氣 XD不過都有讚:1.) 裝修直情就似日本果邊，好靚，如果天氣凍D應該有去日本食拉麵既氣氛2.) 老闆後生靚仔3.) 服務員都態度OK老闆親自出銅鑼灣道街口派傳單效果應該比叫清潔姐姐出去好 XD比D時間老闆調下湯底，隔一大段時間再來試下。我欣賞年輕人創業，比著其他鋪我應該不會再去。