劉一手重慶火鍋 (又一城)

Open Now

Now Closed

入餐廳前已經睇到openeice一堆負評，但心存僥倖，諗住未食過都想試下。服務超差，個個職員好似你黎乞食咁，唔會當你係顧客。真心，我去澳牛態度都無咁差。諗住今次試下食麵先，好食下次再食火鍋，始終佢火鍋都幾貴。點知個男職員一聽到就話：［食麵？食麵坐出面呀嗎！ 又唔講！］原來餐廳分2邊，打唔打邊爐係分開坐。喂，大佬你係到做就知啫，我鬼知咩。我忍唔住話：［咁你帶我地入黎個陣，你都可以問啫。］就係呢句之後就出事。無比過好面色。我叫左個小麵，bb 辣，朋友叫酸菜魚，凍的竹蔗茅根。嘩，黎到個bb辣小麵係辣到痴肺。我朋友係潭仔食開中辣，都勁，都差d食唔到，好吃力，佢話好辣。有咩可能叫bb辣，黎個中辣以上？叫男職員黎，佢話佢地個辣係咁，無得換。好勉強咁食，想要杯水。無，話一支22蚊。想要冰。無，話餐廳無冰。加一，人均150。係自己揀入黎，中伏無野講。