Video
Read full review
2017-04-17
609 views
將超級失望既心情沉澱左之後，好客觀咁寫返呢個極失望既食評男朋友係幾個星期前發現呢間外觀好靚既餐廳，咁就呢晚滿懷期待咁去食夜晚7點50分都冇一半人，可能係假期啦心諗，要左一個dinner set，一份pancake brunch再要左啲飲品。dinner set既前菜有春笋，但老到起渣既，龍蝦湯有西芹芫茜芥菜味，主菜既意大利飯最令人失望，200幾蚊個飯入面有全熟/半生熟(內生外熟)/全生，3個口感; 鴨肝只係暖的，中間唔熟仍然流質既，飯面既黑莓汁令蘑菇既草青味好突出，仲有啲酸，係真係黑莓汁，冇打錯字，黑莓汁微酸且有好重既果味。pancake 有不斷出水既炒蛋，鋪面後，第一塊pancake 陣亡左。炒蛋被朱古力醬污染過後，不倫不類。煙三文魚係冇可能有事既情況下，好正常。最ok既係伴碟沙律菜，淋菜既汁有小小醋味而且杰身但係甜得制，個汁唔ok。講返pancake，一份4塊都係陣亡1塊啫，第2塊切開點蜜糖食啦，蜜糖好香，係淋舊式港式西多士既蜜糖，我明白pancake一定係餐廳自己溝粉，心諗成100蚊既pancake差極有限，事實證明我又錯左，pancake小水多麵粉仲要有粘米粉，癡牙既panca
將超級失望既心情沉澱左之後，好客觀咁寫返呢個極失望既食評
男朋友係幾個星期前發現呢間外觀好靚既餐廳，咁就呢晚滿懷期待咁去食
夜晚7點50分都冇一半人，可能係假期啦心諗，要左一個dinner set，一份pancake brunch再要左啲飲品。
dinner set既前菜有春笋，但老到起渣既，龍蝦湯有西芹芫茜芥菜味，主菜既意大利飯最令人失望，200幾蚊個飯入面有全熟/半生熟(內生外熟)/全生，3個口感; 鴨肝只係暖的，中間唔熟仍然流質既，飯面既黑莓汁令蘑菇既草青味好突出，仲有啲酸，係真係黑莓汁，冇打錯字，黑莓汁微酸且有好重既果味。
pancake 有不斷出水既炒蛋，鋪面後，第一塊pancake 陣亡左。炒蛋被朱古力醬污染過後，不倫不類。煙三文魚係冇可能有事既情況下，好正常。最ok既係伴碟沙律菜，淋菜既汁有小小醋味而且杰身但係甜得制，個汁唔ok。講返pancake，一份4塊都係陣亡1塊啫，第2塊切開點蜜糖食啦，蜜糖好香，係淋舊式港式西多士既蜜糖，我明白pancake一定係餐廳自己溝粉，心諗成100蚊既pancake差極有限，事實證明我又錯左，pancake小水多麵粉仲要有粘米粉，癡牙既pancake好似食緊蒸小米糕咁，又或者係未發酵既白糖糕。冇論搽牛油或是落多啲蜜糖都冇辦法提升pancake既口感，4塊食剩1塊半，真係咁大個女第一次遇上如此難食既pancake，我唔想浪費但真係癡牙，癡刀叉。惡夢丫...
事後，一位貌似話得事既女經理問我地食後感，佢話廚房搵左另一班人而且呢個鐘數入面冇乜人，但果陣只係夜晚8點20分喔，佢好有誠意咁希望我地之後有機會再黎，到時會唔同左咁話。OMG，已經中伏唔敢再去。
總結黎講，環境好好，服務好好，但人均消費2百蚊真係食元氣好過。
Pancake brunch
27 views
0 likes
0 comments
Post
