Video
Read full review
2019-12-14
955 views
話說我老婆喺個黃group度發現有人推介呢一間tony's hell, 懷著支持嘅心態諗住食返一餐結婚週年飯. 做咗四五日喺openrice booking. 跟住收到店主嘅whatsapp問我哋食唔食神秘晚餐, 成580蚊加一每位. 諗住食好啲. 到去食嗰日入內, 雖然間餐廳唔大, 入面有大概十幾人嘅普通枱同埋坐四個人嘅吧檯, 七點去到嗰時其實都仲有三成普通枱可以坐, 但去到竟然話畀人book曬, 叫我同老婆坐吧枱, 吧枱又窄又高唔好坐, 當堂想掉頭走人, 鬼叫我order咗神秘晚餐, 算啦照食. 基本上服務員的態度都正常, 冇乜問題. 一道菜就嚟咗黑糖包同埋呢個唔知唔知咩嚟嘅嘢, 個包就外脆內軟屬好食, 嗰個唔知咩嚟就好似啲餅乾皮夾住炸蔬菜, 食完個主廚都有過嚟問我哋講, 估到佢就話yes, 估唔到佢就会話你知, 最後我哋都係估唔到. 味道ok但唔算好食. 接落嚟飲咗碗綠色嘅湯, 我估應該係綠豆湯再加啲蘑菇咁上下嘅嘢,入面仲有隻蝦.跟住就食沙律, 上面脆卜卜嘅嘢就類似蝦片咁, 但係又唔知係乜,下面係普通沙律菜.但係最忟憎都係呢兩碟主菜, 一碟係類似炸壽司嘅物體, 另一碟係意粉薄餅,
一道菜就嚟咗黑糖包同埋呢個唔知唔知咩嚟嘅嘢, 個包就外脆內軟屬好食, 嗰個唔知咩嚟就好似啲餅乾皮夾住炸蔬菜, 食完個主廚都有過嚟問我哋講, 估到佢就話yes, 估唔到佢就会話你知, 最後我哋都係估唔到. 味道ok但唔算好食. 接落嚟飲咗碗綠色嘅湯, 我估應該係綠豆湯再加啲蘑菇咁上下嘅嘢,入面仲有隻蝦.
跟住就食沙律, 上面脆卜卜嘅嘢就類似蝦片咁, 但係又唔知係乜,下面係普通沙律菜.
但係最忟憎都係呢兩碟主菜, 一碟係類似炸壽司嘅物體, 另一碟係意粉薄餅, 全部都係澱粉質. 仲諗住有下啲扒肉食都冇. 當時佢同我講係主菜我都o曬嘴, 我承認D菜式係幾特別出面都冇得食, 應該用咗好多心思設計. 但係諗起580蚊加一每位, 仲要坐吧枱, 心情即刻低落. 算啦, 神秘晚餐你怨得邊個? 至於味道方便, 我又唔覺得太突出.
至於個甜品簡直係震懾味蕾, 可以食到甜, 辣, 苦澀, 一次過滿足你三個願望. 佢應該加咗啲威士忌, 同埋辣椒, 左一塊幾大塊嘅金箔. 混合嚟講都幾好食其實. 最後提一提大家個餐係唔包飲品的. 最慘係我後面幾台客都食牛扒, 又香又大塊, 都係三百幾蚊, 自己畀成六舊幾水都唔知食咗啲乜. 簡直中曬伏.
Post
