Video
Read full review
2019-05-26
296 views
睇咗magazine 介紹知道旺角開咗一間螺獅粉，仲用+38蚊任食小食作招徠，所以特登同男朋友去試，但結果強差人意！一去到坐低，樓面哥哥拎咗張餐牌嚟同我哋講，每人點一碗粉，一杯飲品，就可以每人加38蚊任食50分鐘小食，指咗一指餐牌上右上角嘅小食比我哋睇，我哋見到手撕雞，多春魚，牛肉絲，排骨，所以我哋即刻點咗2碗麵，2碗飲品，再tick埋我哋要嘅小食點知交張餐牌比佢果陣，樓面哥哥話任食啲小食係點另一張紙，然後叫我哋再填果張任食嘅小食點餐紙！一望張任食點餐紙，oh shit！我哋頭先餐牌上見到嘅手撕雞，多春魚，牛肉絲同排骨都係無嘅，得反啲蛋餃，魚蛋，雞翼尖，臭豆腐等，真係oh my god！個心已經覺得中伏，算喇！我哋落單同人講咗任食，咁照任食就算啦！由於第一次食，唔知個份量有幾多，所以只係點咗幾樣，即刻比張單佢，同我哋落2碗粉果張單相隔唔夠一分鐘，交單後我哋一共等咗18分鐘，2碗粉先到，我體諒佢多人客，但係也無理由等咁耐吧！呢2碗粉無味，辣都唔辣下，啲配菜少到不行，嚴重不夠味道，我真心覺得唔值呢個價錢，我喺淘寶訂螺獅粉反嚟自己煮都好食過佢多多聲，起碼夠味同夠辣先啦！碗粉唔ok，諗住啲小食
點知交張餐牌比佢果陣，樓面哥哥話任食啲小食係點另一張紙，然後叫我哋再填果張任食嘅小食點餐紙！一望張任食點餐紙，oh shit！我哋頭先餐牌上見到嘅手撕雞，多春魚，牛肉絲同排骨都係無嘅，得反啲蛋餃，魚蛋，雞翼尖，臭豆腐等，真係oh my god！個心已經覺得中伏，算喇！
任食嘅小食點餐紙
18 views
0 likes
0 comments
螺獅粉
10 views
0 likes
0 comments
碗粉唔ok，諗住啲小食應該ok啦！點知啲小食喺2碗粉到咗之後10分鐘都未到，換句話出，已經由落單起計過咗起碼28分鐘都未到，然後我哋唯有追一追，追完後5分鐘先到，啲小食一上，我哋即刻又有一種中伏嘅感覺，魚蛋得4粒，迷你雞翼尖得4隻，迷你豆腐得3塊，迷你饅頭得4小舊，口水雞得2舊，重點係全部都係凍嘅，
臭豆腐
8 views
0 likes
0 comments
炸饅頭
7 views
0 likes
0 comments
所以啲小食未上齊，我哋即刻再加單，然後再等多12分鐘都未到，再催，過多6分鐘先再上第2輪嘅第一碟，然後以每3分鐘上一碟嘅速度上，簡單啲嚟講，下一碟小食未上，前一碟嘅已經食哂，點知最後一碟都未上，有一個姐姐行過嚟同我哋講50分鐘用餐時間已過，請我地結帳離開喺呢一刻我真心覺得呢間店好唔老實，我知如果啲食客一入小食紙，你就上菜，每人38蚊係唔夠cover，但都唔係慢到咁樣囉！每個小食嘅量已經少到不行，仲要凍嘅，即係已經整好咗一段時間啦，無理由咁耐都唔拎出嚟呱！再講，你地小食同碗麵上菜慢到不行，第二輪小食都未上齊，都仲好意思叫我哋埋單走人，fine，我哋埋單走人，盛惠188蚊，不過我真係唔會再幫襯
14 views
0 likes
0 comments
總括嚟講，等嘅時間多過食，加38蚊任食50分鐘，你預當中有30分鐘係等候時間，你預算最多食2輪凍嘅迷你小食，仲要係第一輪未上完就要好點定下一輪，唔好expect會好飽肚，仲要有心理準備50分鐘一到會比人趕，我自己同男朋友都覺得好伏，一定就唔會有下一次！
Post
