爭鮮外帶壽司

Open Now

Now Closed

今日收工去觀塘做運動，未夠鐘，就揾d野食醫下肚。黎到觀塘廣場，見到好多人拎住一兜一兜的食物，隨著源頭尋找，原來係爭鮮新推出既關東煮！每次到日本，我都好鐘意去日本的便利店食關東煮，尤其係冬天，拎住一碗熱騰騰的關東煮真係好滿足，仲要裝一大碗湯飲晒佢。由於對關東煮的熱愛，決定試一試爭鮮既新產品。就咁睇樣，都好似幾吸引，似模似樣，而且有8款食物，選擇算多，全部都係8元。於是，我地選擇左呢兩款。獅子狗太腍，成個咬落去既感覺係煮得太耐。另外果條都唔知係咩，似係魚蛋既朋友，咬落就偏硬。兩個都無咩味，湯既味道亦太淡。總之就係難食，感覺中伏了，我都好少俾負評，呢個真係要負一負。16蚊我寧願去買5舊壽司，都唔值得一試，好失望。呀姐仲要好惡話唔俾我影相。唔俾影都唔洗咁惡既。