Neighbor (Closed)

擺盤精緻但野食凍冰冰，味道一般，portion非常精細亦高價。158嘅安格斯肉眼配菜少到男士們食完後仲需去M記食返個餐先至飽肚，極度適合減肥中嘅女仔去。Squid ink risotto塞咗兩羹喺兩舊squids度，兩啖食曬。另一位男士朋友嗌嘅175蚊羊架亦係凍冰冰，配菜夠裝落一個湯羹度。溫馨提示Neighbor：喺禮儀上通常都會等上齊先開食，野食上檯時間應差不多。但安格斯牛扒原本就唔係熱辣辣香煎出嚟，隔咗廿幾分鐘之後，再等到另外嗰位朋友的羊架上度嚟時，牛扒已凍曬...非常之失望。