Video
Read full review
2013-05-31
1764 views
十一點幾先收工，同另一伴想去搵個地方醫下肚，撞下撞下就行到好景，見有間韓燒，百幾蚊任飲任食，講真，闁闁韓燒都差唔多呢啲名，乜乜園、物物園、又花又和又梨，我都撈到亂曬龍，諗住呢啲（以為係連鎖店）都唔會差得去邊，但求食飽的感覺同滿足感。咁嘅鐘數，預左唔多人，入到去自己搵位座，搵左個窗邊位，對住肥姐小食店，一摸落去個梳化....又霉又爛，加上走廊啲地毯好似俾幾千萬人踩過咁，反起曬，地毯中間穿曬窿，環境已經係負分。之後另一伴去拎野食，我就去拎野飲，個飲品桶夠曬大，但衰在係冇水又冇冰。。。。常溫！最後搵到罐美蓮達同一千零一罐百事，其餘的，都唔知係咩牌子，當初入場諗住飲下啤酒，唉，一拎上手，唔係獅威唔係哈爾濱唔係藍帶..而係內地啤酒，黑色logo的kingsway....OMG...真係小弟見識少，唔知有個咁的品牌，罐上所刻的簡體字給予人無限信心！一番埋位，見到隔離行個位阿叔一個人隊左幾罐，嘆住一路睇電視一路食，好梳符咁，我心諗，需然我唔夠薑飲啤酒，但我都可以食到好梳符！諗起陣闁燒到滋滋聲就興奮！睇到另一伴拎野食番黎，無曬表情，拎左啲咩呢。。。。刺身 ，三文魚、吞拿魚。。。。咬第一啖想lur，唔會
十一點幾先收工，同另一伴想去搵個地方醫下肚，撞下撞下就行到好景，見有間韓燒，百幾蚊任飲任食，講真，闁闁韓燒都差唔多呢啲名，乜乜園、物物園、又花又和又梨，我都撈到亂曬龍，諗住呢啲（以為係連鎖店）都唔會差得去邊，但求食飽的感覺同滿足感。
咁嘅鐘數，預左唔多人，入到去自己搵位座，搵左個窗邊位，對住肥姐小食店，一摸落去個梳化....又霉又爛，加上走廊啲地毯好似俾幾千萬人踩過咁，反起曬，地毯中間穿曬窿，環境已經係負分。
之後另一伴去拎野食，我就去拎野飲，個飲品桶夠曬大，但衰在係冇水又冇冰。。。。常溫！
最後搵到罐美蓮達同一千零一罐百事，其餘的，都唔知係咩牌子，當初入場諗住飲下啤酒，唉，一拎上手，唔係獅威唔係哈爾濱唔係藍帶..而係內地啤酒，黑色logo的kingsway....OMG...真係小弟見識少，唔知有個咁的品牌，罐上所刻的簡體字給予人無限信心！一番埋位，見到隔離行個位阿叔一個人隊左幾罐，嘆住一路睇電視一路食，好梳符咁，我心諗，需然我唔夠薑飲啤酒，但我都可以食到好梳符！諗起陣闁燒到滋滋聲就興奮！
睇到另一伴拎野食番黎，無曬表情，拎左啲咩呢。。。。
刺身 ，三文魚、吞拿魚。。。。咬第一啖想lur，唔會令你再咬第二啖！
壽司，睇見都唔駛拎，不堪入目
炸薯條同麥樂雞，同其他食評一樣，保持水準。。。係淋嘅
辣味螺肉，得呢樣係最正常
中華沙律，有陣”縮”味，唔敢食
個啲乜肉物肉，齋睇色水就唔多妥架喇，不過見有個爐燒住，燒熟啲都應該冇事嘅，最多咪痾姐！但只食左一round就冇再拎了
西瓜汁，超怪味，得個甜字同埋勁稀！可能都就收工，唔refill，由佢俾人”針”曬就算。
由超肚餓到睇見都唔想食，但由於成舊幾水，唔捨得俾咗錢唔食，咁唯有拎下甜品食。。。
豆腐花。。。。。唔係賣曬，而係阿姐已經好有效率咁洗乾淨個木桶，唔洗試
雪糕。。。。。睇個雪糕盒的外觀，牛X公司，超級勁爆硬，懷疑要用鎚仔先揼得爛，其實見到個雪糕匙，放係一個裝住左五顏六色嘅水嘅碗仔入面，食慾再跌watt！
最後埋單速逃！
Other Info. :
可能自己真係唔識欣賞，話說自己好努力揼緊雪糕，後面個pair人係咁讚啲野食，又話有雪糕好抵又好味，肉類又多款
(The above review is the personal opinion of a user which does not represent OpenRice's point of view.)
Post