Video
Read full review
2010-07-18
15 views
係openrice睇到芝脆雞都有唔錯既評價,咁食飯果陣就拉埋老公黎首先睇個meau睇到暈,有兩個餐既食物係一樣但唔同價,一問之下先知係份量分別咁叫野食果陣,原來果d餐個pizza呀,飯呀,意粉果d佢係set死左,應該每日唔同既咁問個waitress餐飲有d咩,佢答我:「得後面果d汽水」點知返到埋位見到有檸茶?!等食期間,真係好耐,唔好以為慢工出細貨,黎到之後好失望老公既菠蘿烤雞意粉黎先,一睇到,屎咁既色,個烤雞真係似叮出黎,烤咩雞丫,仲要冇味果野抵死之後我果個pizza,炸雞鎚,炸尤魚圈,薯王黎到,個pizza油到我唔想食,話就話咩千島醬蘑菇栗米煙肉pizza,但煙肉似火腿,冇栗米蘑菇得洋蔥,仲要擺明係焗定果d呢,擺到凍,到你嗌果陣半煎炸咁整返熱比你,老老實實,佳寶買果d廿蚊四件自己返屋企叮好過炸雞鎚比左大半隻老公食,因為果個pizza真係好細塊,個意粉真係入唔到口,廢事餓死佢炸野好難差,好kfc feel,d雞肉都算滑滑地炸尤魚圈,都唔錯,好難差薯王竟然係差,又乾又冇味,又唔脆,唔知佢想點但都唔係一味彈既,個餐湯其實幾好味架,夠味,夠濃,仲要啖啖都有d料係入面,雖然細細粒,但起碼唔係
咁食飯果陣就拉埋老公黎
首先睇個meau睇到暈,有兩個餐既食物係一樣但唔同價,
一問之下先知係份量分別
咁叫野食果陣,原來果d餐個pizza呀,飯呀,意粉果d佢係set死左,
應該每日唔同既
咁問個waitress餐飲有d咩,佢答我:「得後面果d汽水」
點知返到埋位見到有檸茶?!
等食期間,真係好耐,唔好以為慢工出細貨,黎到之後好失望
老公既菠蘿烤雞意粉黎先,一睇到,屎咁既色,個烤雞真係似叮出黎,
烤咩雞丫,仲要冇味果野抵死
之後我果個pizza,炸雞鎚,炸尤魚圈,薯王黎到,
個pizza油到我唔想食,話就話咩千島醬蘑菇栗米煙肉pizza,
但煙肉似火腿,冇栗米蘑菇得洋蔥,仲要擺明係焗定果d呢,擺到凍,
到你嗌果陣半煎炸咁整返熱比你,老老實實,佳寶買果d廿蚊四件自己返屋企叮好過
炸雞鎚比左大半隻老公食,因為果個pizza真係好細塊,個意粉真係入唔到口,廢事餓死佢
炸野好難差,好kfc feel,d雞肉都算滑滑地
炸尤魚圈,都唔錯,好難差
薯王竟然係差,又乾又冇味,又唔脆,唔知佢想點
但都唔係一味彈既,個餐湯其實幾好味架,夠味,夠濃,
仲要啖啖都有d料係入面,雖然細細粒,但起碼唔係剩罐頭,有自己加野,
而且唔係話就咁湯,都有加香草,算有d心思啦
環境方面,污糟,超逼,我隻肥佬老公行唔到入去37寸patpat果然唔少野
staff方面問題唔大,剩係岩岩講果個問佢餐飲有咩,就話剩係汽水有問題,
都幾有禮貌,冇咩笑容都唔係咩問題喇,都咁夜好辛苦,主動執野果野抵讚,
因為真係地方淺窄
老實講,成三十蚊食d咁既野,仲要唔飽,我唔上黎openrice打爆佢,我唔出街食飯呀!
老公既評價係:「好似以前讀u住hall咁,食埋d咁既野,加埋個7up,kong u 10蚊頹飯都好過佢」
食完飯,同老公一齊肚痛,真係...好油
呢次真係算係同老公共患難,發現我老公係一個可以同甘共苦既好男人,
明知呢餐飯係會食到佢咁既樣,但都甘心陪我去死,不問因由,
一餐飯就試到我老公有幾好,嫁岩人
Post
