Video
Read full review
2013-01-14
2498 views
平日喺元朗呢個地方食嘢真係有好多選擇今日有時間特登搵個新地方試下新嘢行行下去到呢間餐廳門口,比佢外表同餐牌吸引到,就入咗去試今日係食放題,價錢盛惠$208一位,個人認為平日來講都算幾貴餐廳整體來講裝潢幾唔錯,又偏靜諗住可以舒舒服服食餐好,但惡夢就係咁開始...清酒煮蜆無鮮味無酒味唔在講,肉爛但痴殼,但又有啲係無未開蓋...壽司唔難食,但唔好要求佢好好食唯獨件"花之戀"仲算係OK牛肉果二件,一件係"和牛壽司",一件係"火炙和牛壽司""火炙和牛壽司"係成塊肉熟哂,但反而仲穏陣過件"和牛壽司",因為件和牛直頭似係溶過雪GE普通牛肉!我食落就唔覺係和牛炸食物坦白講,我唔會稱呼呢啲為"天婦羅",因為佢連天婦羅炸粉都慳番唔用係用厚厚的炸粉,炸出來的效果只有"炸蕃薯"係較穏陣上方二件炸蠔,好一般,只能講句"仲有蠔陣味"炸蝦就係上面長果條,炸粉多過蝦底下係一件炸芝士條,都仲過得去最下面果件,本來我都估咗好耐,跟住諗番起自己啲ORDER先記得同睇得出果件係"蝦多士",我就食唔到蝦肉,但食到魚同肉味...真係神奇左上角係芝士年糕呢件就係全餐的極品!好粉,好難食!日式叉燒烏冬塊叉燒都唔差,啲烏冬...OK啦
今日有時間特登搵個新地方試下新嘢
行行下去到呢間餐廳門口,比佢外表同餐牌吸引到,
就入咗去試
今日係食放題,價錢盛惠$208一位,個人認為平日來講都算幾貴
餐廳整體來講裝潢幾唔錯,又偏靜
諗住可以舒舒服服食餐好,但惡夢就係咁開始...
清酒煮蜆無鮮味無酒味唔在講,肉爛但痴殼,但又有啲係無未開蓋...
壽司唔難食,但唔好要求佢好好食
唯獨件"花之戀"仲算係OK
牛肉果二件,一件係"和牛壽司",一件係"火炙和牛壽司"
"火炙和牛壽司"係成塊肉熟哂,
但反而仲穏陣過件"和牛壽司",
因為件和牛直頭似係溶過雪GE普通牛肉!
我食落就唔覺係和牛
炸食物坦白講,我唔會稱呼呢啲為"天婦羅",因為佢連天婦羅炸粉都慳番唔用
係用厚厚的炸粉,炸出來的效果只有"炸蕃薯"係較穏陣
上方二件炸蠔,好一般,只能講句"仲有蠔陣味"
炸蝦就係上面長果條,炸粉多過蝦
底下係一件炸芝士條,都仲過得去
最下面果件,本來我都估咗好耐,
跟住諗番起自己啲ORDER先記得同睇得出
果件係"蝦多士",我就食唔到蝦肉,但食到魚同肉味...真係神奇
左上角係芝士年糕呢件就係全餐的極品!好粉,好難食!
日式叉燒烏冬塊叉燒都唔差,啲烏冬...OK啦...入到口但唔會引到我食第二啖
蒜蓉汁雞扒/黑椒汁西冷如果你食過茶記雜扒飯,你就會知大約係咩味
唯獨件雞扒好食少少,仲拍得住大家樂
本來見到有甜品好開心,因為好鐘意食甜品!但件芝士餅...好實,有啲似食緊成舊芝士,
食唔到芝士餅本身的香甜味道,
藍莓芝士餅無藍莓,以二劃藍莓醬代替,但仍食不出有藍莓醬味
芒果果凍,仲OK,食到芒果味,夠滑,但講唔上好好食
是日例湯食到一半想試下飲佢啲湯,
諗住佢開得西餐廳都實無死啦,
頂到盡至多係椰X閣的貨色或是罐頭的味道
但係...係仲要差多幾倍
雖然湯內加上素翅同甘荀絲,
但仍然改變唔到淡而無味(莫講湯味,係咸味都無)GE事實
一般食放題都係諗住多元化,多選擇,入到去可以慢慢諗下有乜啱食
但從未試過食一個放題係咁多樣嘢,一樣嘢稱得上好食GE都無
而且仲要係呢個價錢,二個人埋單再加一係$458...
就算食裝修,食氣氛都實在太唔抵食
只能講句,無下次
Other Info. :
致餐廳負責人: 如不好好改善食物質素,
就算你裝修如何好[b],風水陣擺得如何周全都係無用[/b]
(The above review is the personal opinion of a user which does not represent OpenRice's point of view.)
Post
