夢見屋 (Closed)

和朋友慶祝生日，去了iSquare覓食。一心想食日本菜，見呢間又有抺茶甜品，所以就決定試下，點知中咗個大伏。我們大約7:30到達，要等位，理應下一張就到我，過了一會有3位攞飛，佢地竟然比我們更早入座，雖說個張是4人枱，但我們在他們入座後再要等超過10分鐘先有位，前後大約25分鐘，友人已經有點不滿。之後我們各點了set dinner，餐湯是茶餐廳水準，都算，我點的飯還要黎錯，而且我不是唯一一個，格離枱也有相同遭遇，可見侍應落單十分不小心。而我朋友點的海鮮飯，所謂海鮮只是兩粒蝦和幾條魷魚，但索價$88！最後的抺茶甜品更差，完全冇味，淡到水一樣！問侍應是否冇落糖，他謂這飲品是無糖的，我十分好奇這杯飲品究竟是用什麼沖的....這餐一人要$130埋單，十分不值！這餐頂盡值$50-60 ，但就算此價錢都唔會再光顧。