洪記潮州滷味 (Closed)

嬲到第一次寫食評見到咁多正評話鹵水入味，又零負評，以為應該真係好食。點知去到鋪頭見到得1個食客，就已經覺得有d不妙。咁既然都去到，就諗住試下啦。見d正評係咁讚鹵水鴨同鹵水鵝，所以就叫咗個鹵水鴨。上菜速度正常，碟野到咗之後，因為我不嬲冇影低野食嘅習慣，所以就直接開餐。客觀黎講，份量係大，飯多，鴨都多，仲有兩大件鹵水豆腐，同一啲睇落去辣嘅蘿蔔粒，仲有一碗湯。但食落去啲鹵水鴨係一啲鹵水味都冇，連鹹味都係得少少，好彩係有鴨味，蘿蔔粒都只係微辣，碗湯係普通味精湯，有兩舊蘿蔔咁，成餐我係可以用"健康"黎形容。雖然唔係話難食，但真係完全唔係啲正評講咁好食，好失望，啲正評完全係離哂大譜。