Neighbor (Closed)

朋友帶我去食， 本身冇帶有幾大期望。 但係一行入去， 就完全改觀。 一邊嘅枱全部用大理石紋， 加上小小設計， 絕對係打卡好位置。booking上有少少錯誤， 搞咗少少時間先可以入座， 因為有幾層所以都搵咗一陣先知自己張枱喺邊。我哋兩個女仔嗌咗好少嘢， 一個沙律一個意粉。 個意粉就普普通通， 但係都十分好味。 下次會試下啲特別嘅意粉或者pizza。 個沙律就要讚一讚， 沙律菜用上咗比較高級同貴嘅沙律菜， 唔係最單調嘅生菜， 再加上勁新鮮嘅帶子同埋炸軟殼蟹， 配搭上自製嘅沙律醬， 真係十分好味。