Video
Read full review
2017-09-30
268 views
好耐冇食放題, 由於同放題餐廳脫節太耐, 就問下朋友邊間抵食, 最後卜左呢間同女友試下雖然已經係夜晚, 但係天時暑熱, 一坐低當然係分工合作, 我去拎野飲佢剔食物一睇就已經有驚喜除左有大量韓國罐裝飲品, 樂天既果汁/HITE 啤酒, 常見既可樂七喜之外, 仲有德國黑啤同道地解茶由於我拎起罐啤酒都係覺得唔係好夠凍, 我直接叫佢比杯冰我, 侍應都好快手就拎左黎, 幾好呢度食物選擇真係好多好多....刺身蝦都有分泰式虎蝦, 甜蝦同大蝦, 我地一開始仲諗大蝦唔通真係平時煮餸先用果D?原來真係刺身質素唔錯, 帶子唔腥, 蝦幾鮮甜, 而大蝦真係大....鍾意食蝦既可能淨係食蝦都可以回本加埋佢仲有蟹腳同其它食物, 第一印象良好最先黎既熟食係呢個牛油煎帶子, 幾大隻之餘煎得幾好, 有牛油香又唔會太油, 本身加左少少七味粉更有風味最後我地再encore左一碟~跟住係朋友推介要叫既招牌手卷, 真係好正呀三文魚籽, 海膽, 吞拿魚蓉同蔥花加埋真係冇得輸, 果然係招牌, 食到底果陣仲有一小片三文魚包住, 唔洗驚食到底得飯會寡前後叫左三個, 對我地呢d唔太鍾意叫壽司/手卷因為舊飯頂肚既人真係好難得繼續熟食, 呢
雖然已經係夜晚, 但係天時暑熱, 一坐低當然係分工合作, 我去拎野飲佢剔食物
一睇就已經有驚喜
除左有大量韓國罐裝飲品, 樂天既果汁/HITE 啤酒, 常見既可樂七喜之外, 仲有德國黑啤同道地解茶
由於我拎起罐啤酒都係覺得唔係好夠凍, 我直接叫佢比杯冰我, 侍應都好快手就拎左黎, 幾好
呢度食物選擇真係好多好多....
刺身蝦都有分泰式虎蝦, 甜蝦同大蝦, 我地一開始仲諗大蝦唔通真係平時煮餸先用果D?
原來真係
刺身質素唔錯, 帶子唔腥, 蝦幾鮮甜, 而大蝦真係大....
鍾意食蝦既可能淨係食蝦都可以回本加埋佢仲有蟹腳同其它食物, 第一印象良好
最先黎既熟食係呢個牛油煎帶子, 幾大隻之餘煎得幾好, 有牛油香又唔會太油, 本身加左少少七味粉更有風味最後我地再encore左一碟~
跟住係朋友推介要叫既招牌手卷, 真係好正呀三文魚籽, 海膽, 吞拿魚蓉同蔥花加埋真係冇得輸, 果然係招牌, 食到底果陣仲有一小片三文魚包住, 唔洗驚食到底得飯會寡
前後叫左三個, 對我地呢d唔太鍾意叫壽司/手卷因為舊飯頂肚既人真係好難得
繼續熟食, 呢碟係燒安格斯牛粒+羊架+牛油翠玉瓜牛粒加佢比既芥辣醬唔錯, 牛粒本身唔太韌
羊架女友食完話唔羶, 而翠玉瓜除左爽口外佢既牛油味都好香濃~
女友都叫左一隻出名既焗蠔~佢話幾好食, 不過係生既就仲好
之後係燒壽司系列~ 蟹籽蟹棒芝士真係好正, 條蟹棒好長, 飯唔多燒三文魚都幾好, 不過如果有少少燒汁應該會上左神枱
另外既都正正常常, 冇太大驚喜但穩穩陣陣幾好食咁
天婦羅唔錯~ 炸粉唔太厚, 我地淨係叫蟹鉗同蝦, 配汁唔會太油
再之後係就完先加單既沙津~青瓜蟹籽正正常常, 有沙津醬好邪惡又好食麻醬豆腐木魚絲果個就我覺得正d, 一黎感覺上冇咁肥, 二黎少見少少, 而味道都唔錯, 幾樣材料好夾~
特別推薦如果有鍾意食榴槤既朋友, 一定要叫炸榴槤波波~真係好香濃榴槤味, 好正!
另一樣見到隔離枱叫好似幾正但係我地唔岩既就係中湯~
好似係花膠+雞腳, 成日見侍應拎住走, 咁多人叫得應該有番咁上下
去到甜品我地已經好飽....淨係每人食左杯哈根大師同埋我食多左條日本牛奶雪條, 奶味幾好
女友就食左小杯楊枝甘露, 味道唔錯, 唔會太酸太甜等
總結黎講呢間放題真係好多唔同種類既野食
執著要回本既絕對冇難度 要求質素既都幾好, 滿足兩邊要求
Post
