華星客棧 (Closed)

每次中午時段坐車經過堅尼地城都見到有不少人在門外排隊, 好誇張... 難得呢次無人等, 即刻同屋企人去試下!這個是"冰室"的餐牌, 價錢都算中價! 見到不少人都叫了常餐當午餐~ 個多士賣相都幾ok! 午餐選擇都有好多! 可惜價錢不包餐飲! 要加8蚊先有杯普通咖啡茶, 感覺有少少貴~ 不過阿爸都叫左個例湯飲~不過豉椒牛河炒得好香好好食! 好多牛肉, 而且好淋身; 汁底又不會太杰, 唔錯!至於個乾炒海鮮烏冬都一樣煮得好好食! 好爽身, 好少油, 而且好多海鮮~ 包括蝦, 魚塊, 蟹柳, 魷魚! 媽咪一邊食一邊讚添!餐廳環境都算唔錯! 我地三個人坐了一張小圓枱, 好鬆動又無搭枱! 而且遇到三個不同伙計都好好禮貌 (一個幫我地落單, 再問了一個糯米雞翼有幾個隻同幾錢, 和一個問我地食完未幫我地收碟) 雖然價錢唔算平民價, 但我應該都會再去食! 我想試下個常餐和杯奶茶!