Video
Read full review
2018-10-18
180 views
係中環返工約左朋友食lunch，最煩就係周圍都要排隊。我地想食清清地就揀左越南野，上網搵到呢間見幾岩食又有得book位，二話不說就book左。睇openrice寫住閣鄰街，諗住一直路上到去擺花街口就係，點不知行到上去見到係祥暉花園，搵左陣先發現原來要係結志街轉入去，姐係蘭xx對面大廈。上到餐廳門口就見到有唔同既畫、裝飾，入到裡面係暗暗地，裝修好用心，啲檯凳、什至餐牌都設計得好仔細，配埋食物改既名，感覺好鬼魅。Lunch time 主要都係set，本來想散叫因為怕食唔晒，但散叫同set價錢都差唔多，最後都叫左兩個set朋友叫左酸辣鳳爪越式撈檬+香茅牛油蒜香雞翼（$98）配滴漏咖啡（+$10）咖啡個杯好靚，但朋友話杯咖啡比較淡，揭開個蓋見到佢落既粉唔係好多，麻麻地啦開頭以為雞翼有4隻，望真啲原來係一開二。個雞翼炸得好脆，啲肉好嫩滑，加埋啲蒜好香口惹味個撈檬又係用個好靚既碗裝，汁就係用個小兜仔俾你自己落，汁既分量落晒就岩岩好。個汁調得唔錯，酸多啲，但食落又甜甜地同少少辣，鳳爪好爽，掩得夠味，係開胃餐點之選我就叫左安格斯牛回魂粉+生菜+咸檸七（$98）咸檸檬細細舊，但都飲到咸味，不過氣就唔係太
睇openrice寫住閣鄰街，諗住一直路上到去擺花街口就係，點不知行到上去見到係祥暉花園，搵左陣先發現原來要係結志街轉入去，姐係蘭xx對面大廈。上到餐廳門口就見到有唔同既畫、裝飾，入到裡面係暗暗地，裝修好用心，啲檯凳、什至餐牌都設計得好仔細，配埋食物改既名，感覺好鬼魅。
Lunch time 主要都係set，本來想散叫因為怕食唔晒，但散叫同set價錢都差唔多，最後都叫左兩個set
朋友叫左
酸辣鳳爪越式撈檬+香茅牛油蒜香雞翼（$98）配滴漏咖啡（+$10）
咖啡個杯好靚，但朋友話杯咖啡比較淡，揭開個蓋見到佢落既粉唔係好多，麻麻地啦
開頭以為雞翼有4隻，望真啲原來係一開二。個雞翼炸得好脆，啲肉好嫩滑，加埋啲蒜好香口惹味
個撈檬又係用個好靚既碗裝，汁就係用個小兜仔俾你自己落，汁既分量落晒就岩岩好。個汁調得唔錯，酸多啲，但食落又甜甜地同少少辣，鳳爪好爽，掩得夠味，係開胃餐點之選
我就叫左安格斯牛回魂粉+生菜+咸檸七
（$98）
咸檸檬細細舊，但都飲到咸味，不過氣就唔係太夠了，飲品確實一般
本來個菜係加蠔油，我唔食蠔油，但店員好貼心，係我未講走蠔油佢已經問左我先。碟菜都算多啦，最後都食唔晒。
最令我如痴如醉既就係呢個麵，好好食呀。佢既生牛係用安格斯牛，都幾大片，比平時食既牛厚少少，但都好淋，牛肉味好濃。湯底幾濃，但唔係咸果隻，加埋蔥多左啲層似。個麵底煮既時間岩岩好！食到最尾都仲好煙un，又滑身
Lunch time時間短促，有時去啲餐廳上菜好慢搞到遲晒大到先返到公司，但宿宿醉既廚房、侍應都冇醉到，好快就有得食，但食物質素都幾高，落單埋單都好快，可以再黎
Post
