台灣麵 (Closed)

今日同男朋友出左太子，所以先去始創食晏。佢啲午餐好多選擇，有台式有中式。我地兩樣都嗌左嚟試下。我就嗌左個台式三寶麵，佢會跟一個小食，原來係海帶絲嚟，有小小辣，算係開胃菜嚟。佢個三寶係牛筋，牛腩，牛肚。牛腩好腍好好食，佢係連小小牛筋嘅。佢個牛肚係金錢肚，同個牛筋一樣都幾帶咬口，但我鐘意再林小小就仲正。佢個湯底比較淡，而啲麵就好彈牙。男朋友嗌左個酸菜魚配白飯，佢係龍脷柳嚟，啖啖肉，好麻但唔係好辣，同四川口味好唔一樣，新嘗試嚟，唔錯。連埋飲品兩個人都係136，食到飽飽，都幾抵食。