同人鍋 (Closed)

三個中學同學聚餐，想搵個就腳地點坐耐少少，所以選左尖沙咀我提早幾日打去book, 聽電話個店員態度一般（可以講係屬於少少串果種） 可能佢一日聽好多個咁嘅電話，所以唔耐煩啦我估我地閒日夜晚去，個場半full，店員服務都唔錯，我地選左微辣雞煲，第一啖食落去辣辣地，但其實之後食落去淡淡地無乜味，唔算特別好味。店員見我地食得7788， 都有主動問使唔使幫我地收起個煲，原來佢哩度係雞煲還雞煲，打邊爐就用另外一個煲！打邊爐我地選左龍蝦湯底、龍蝦係一早煮熟左嘅、純粹整返熱就食得所以其實哩個跟本係蕃茄湯底上加左隻龍蝦⋯所以隻龍蝦其實都係無乜味⋯佢會跟份海鮮拼盤，其中鮑魚同大蜆係只有第一轉先有得送，之後追加嘅話係要另外收費⋯啲海鮮味道都唔錯，幾好食其他嘅食物例如菜啊、丸類都有不少選擇，肉類就雞、牛、豬哩啲啦⋯⋯佢哩嘢都上得好快、不過叫親牛肉果啲呢⋯⋯就會陣唔中無來，但情況係可以接受嘅至於飲品類選擇唔多，大概6-8款左右⋯大路汽水只有可樂！ 至於雪碧、忌廉果啲係無嘅！！！ （本人好鍾意飲忌廉）主要都係烏龍茶果啲（ 本人係唔好飲茶嘅） 所以飲品方面本人有少許失望⋯整體哩間餐廳都唔錯嘅，因為我地主要想搵個地方