胡爐 (Closed)

呢排凍冰冰梗係同屋企人打邊爐最開心，約喺中間位尖沙咀就最方便。知道尖沙咀厚福街有間叫做胡爐嘅邊爐好出名就同屋企人一齊去食。一出𨋢裝修好似睇電視劇入面佈置嘅場景咁好中國feel，同佢哋個名一樣有啲老北京嘅感覺。連裝湯底個煲都係用青銅煲唔係出麵茶樓嘅不銹鋼煲，夠曬特別。今次叫咗個川味酸菜鴨湯底，食物就叫左手打墨魚丸，手打牛丸，手工雲吞，手工魚皮餃，雜菌拼盤，最後仲叫咗盤胡爐牛拼盤，入面有牛舌心,安格斯手切肥牛,極上手切牛頸脊,牛胸爽,霜降牛粒。我哋就最鍾意食安格斯手切肥牛，牛胸爽就比較多油脂，鍾意食肥嘅牛胸爽就啱曬。臨走前發現原來以前係要套餐咁叫，但係而家已經就可以散叫，咁就方便曬鍾意食唔同種類嘢食嘅客人，下次去尖沙咀打邊爐自定啦。