陳記燒鵝花園餐廳

Open Now

Now Closed

跟左一日旅行團黎左呢間大伏餐廳，忍唔住要黎發番篇劣評。入到唔使等位，因為跟本無其他客人。叫左個338套餐二人餐：燒鵝例牌老火湯任選2款小菜-金銀蛋白菜-椒鹽海生蝦兩碗瀨粉食到勁躁既一餐。個湯溝水咁淡到無味碟鵝肥到hihi，我本身都中意少少肥既燒鵝，因為貪有油香，但呢碟肥野真係搞唔掂。鵝皮淋晒，而且睇鵝皮就知佢係兩隻唔同鵝，揀啲難食又肥位拼出黎就叫例牌。其中幾舊食落仲勁so, 完全無鵝味。應該係我人生食過最難食嘅燒鵝。椒鹽海生蝦，蝦肉就唔算霉。但啲椒鹽好似攞嚟裝飾咁，勁少又唔脆，d 蝦食落無味，懷疑佢唔記得落鹽。瀨粉質地正常，但煮瀨粉個湯又係無味。清水瀨咁金銀菜係正常叫入得口。其他咁多碟都勁難食。當我地食左一半，都聽到隔籬枱個呀婆話有一碟小炒咸到唔食得，叫佢重炒，又聽到佢靜雞雞咁話：個湯咁鬼難飲唔好飲晒quota. 姐係唔係我地呢枱黑仔，而係整體真係好難食。