Video
Read full review
2024-01-29
77 views
老公約咗朋友喺九龍城食飯，於是喺Openrice 睇咗成晚，睇哂食評、左揀右揀，先決定揀呢一間，即刻訂埋枱，訂枱有清酒買一送一優惠（其實去到都有，餐廳貼哂宣傳海報）。去到朋友已經坐咗喺度食緊嘢，以為朋友肚餓食住先，點知原來係人頭數嘅前菜，要收錢嘅。（按日式居酒屋，確實係有呢個做法嘅）食到一半先醒起要影相，個前菜就係沙律菜加個醬。無乜特別，但如果係我唔會叫呢類型沙律，唔咸唔淡咁。之後叫嘢食同酒，都係叫日式Cocktail（即Highball, Sour）$78 一杯，黎到嗰杯嘢得250ml，仲要有冰，老實講，一杯溝嘅酒咁低成本，收得$78 無可能得250ml。之後點串燒，個店員懶到，我比張紙你寫比我（下？你連落單都懶呀？）唔講以為佢唔收加一🤷🏻♀️點好嘢食上菜，先係惡夢嘅開始。難唔難食就見人見智，但值唔值得就一眼睇到。薄燒牛舌，真係紙咁薄、又細片，一開二咁，同張相差好遠，收$98帆立貝，$68好似廚餘咁⋯真係是是但但食咗就算數。明太子，真係好佩服佢哋刀功，全部可以切到咁薄🙂百幾蚊，抵唔抵就見人見智🤣串燒又係食到一半先記得影相介紹返，左手邊嗰一條豚肉蘆筍（？？？）$32 得一條蘆筍好貴咩？
去到朋友已經坐咗喺度食緊嘢，以為朋友肚餓食住先，點知原來係人頭數嘅前菜，要收錢嘅。
（按日式居酒屋，確實係有呢個做法嘅）
3 views
0 likes
0 comments
食到一半先醒起要影相，個前菜就係沙律菜加個醬。
無乜特別，但如果係我唔會叫呢類型沙律，唔咸唔淡咁。
之後叫嘢食同酒，都係叫日式Cocktail（即Highball, Sour）
$78 一杯，黎到嗰杯嘢得250ml，仲要有冰，老實講，一杯溝嘅酒咁低成本，收得$78 無可能得250ml。
之後點串燒，個店員懶到，我比張紙你寫比我
（下？你連落單都懶呀？）唔講以為佢唔收加一🤷🏻♀️
點好嘢食上菜，先係惡夢嘅開始。
難唔難食就見人見智，但值唔值得就一眼睇到。
薄燒牛舌，真係紙咁薄、又細片，一開二咁，同張相差好遠，收$98
帆立貝，$68好似廚餘咁⋯
真係是是但但食咗就算數。
明太子，真係好佩服佢哋刀功，全部可以切到咁薄🙂
百幾蚊，抵唔抵就見人見智🤣
串燒又係食到一半先記得影相
介紹返，左手邊嗰一條豚肉蘆筍（？？？）
$32 得一條
蘆筍好貴咩？😂
豬肉薄到透嘅卷我都係第一次見🤷🏻♀️
另外仲有一個經典，我哋叫咗燒秋葵
食開日本嘅都係一排四、五條嘅秋葵串埋一齊燒
點知佢呢間係一支秋葵一串（？？？）
秋葵咁平嘅蔬菜燒一燒收你$18一條
見到咁，本身想encore 都即刻起身。
我未試過去居酒長食一round 就起身，但佢杯酒又細杯、嘢食份量又孤寒
我哋決定即刻埋單起身
咁樣都食咗$800🤷🏻♀️
真係覺得莫名其妙
唔怪之得佢間餐廳冇人幫襯（下面有圖為證，全間餐廳得我哋一枱人）
我哋真係俾佢啲好評呃咗，全部都係假嘅
仲要一人食咗$200 都未飽（食得一round）
如果要食飽，我諗一個人要$600-800 先走到囉🤷🏻♀️
Post
