Video
Read full review
2015-07-18
2095 views
其實我對食物要求都唔算高，繼之前一晚聚會已經食咗一餐只貼近OK臉之晚飯後，諗住今日同拍擋下晝開會去飲茶，更難得係我肯正午12點去到荔枝角，咁諗住食返好少少啦，知道平時長沙灣廣場上面同附近啲酒樓，由正午12點左右開始已經超多人，咁諗住響公司附近求其搵間酒樓，應該無死錯人啦，拍檔點了十多款點心，有义燒腸粉、豉汁蒸牛肚、XO醬炒蘿蔔糕、蝦餃(其實真係無乜印象，有好多已經無心情去影相，所以只影咗幾樣)...........之後無影相印象中有山竹牛肉、干蒸燒賣、珍珠鷄、馬拉糕、潮州粉果、流沙包，仲有一、兩樣好似食完都唔知係乜？基本上大部分食物都食剩。义燒腸粉，當時係侍應啱啱入完單後唔夠1分鐘就出現(入單位置距離我哋張枱唔夠2.5米，侍應一接張單已經飛身去入單)，遠睇顏色還可以，近睇係見到蒸得過火，但不容易用筷子夾開，真係神乎其技，食咗一啖，係腍到粉，定粉到腍，真係唔識形容，相信要整定之後放過夜加蒸過火才會做到此效果。XO醬炒蘿蔔糕，基本上係靠XO醬啲味嚟點綴啲蘿蔔糕，蘿蔔糕故之然太粉、無乜料在內之餘XO醬又不入味，真係一絕。豉汁蒸牛肚，啲汁夠濃但又形容唔到係乜味，牛肚係蒸到過熟同過腍，全無爽口感
其實我對食物要求都唔算高，繼之前一晚聚會已經食咗一餐只貼近OK臉之晚飯後，諗住今日同拍擋下晝開會去飲茶，更難得係我肯正午12點去到荔枝角，咁諗住食返好少少啦，知道平時長沙灣廣場上面同附近啲酒樓，由正午12點左右開始已經超多人，咁諗住響公司附近求其搵間酒樓，應該無死錯人啦，拍檔點了十多款點心，有义燒腸粉、豉汁蒸牛肚、XO醬炒蘿蔔糕、蝦餃(其實真係無乜印象，有好多已經無心情去影相，所以只影咗幾樣)...........之後無影相印象中有山竹牛肉、干蒸燒賣、珍珠鷄、馬拉糕、潮州粉果、流沙包，仲有一、兩樣好似食完都唔知係乜？基本上大部分食物都食剩。
义燒腸粉，當時係侍應啱啱入完單後唔夠1分鐘就出現(入單位置距離我哋張枱唔夠2.5米，侍應一接張單已經飛身去入單)，遠睇顏色還可以，近睇係見到蒸得過火，但不容易用筷子夾開，真係神乎其技，食咗一啖，係腍到粉，定粉到腍，真係唔識形容，相信要整定之後放過夜加蒸過火才會做到此效果。
XO醬炒蘿蔔糕，基本上係靠XO醬啲味嚟點綴啲蘿蔔糕，蘿蔔糕故之然太粉、無乜料在內之餘XO醬又不入味，真係一絕。
豉汁蒸牛肚，啲汁夠濃但又形容唔到係乜味，牛肚係蒸到過熟同過腍，全無爽口感覺。
蝦餃，雖賣相樣衰，算正常，皮算薄，但肉身無味。
其餘無影相有山竹牛肉，淺啡色，無牛肉味，但算正常；干蒸燒賣，又係無味，但係算正常，珍珠鷄，啲糯米又係蒸得過火，好難食；馬拉糕，淺橙色、無味，是落食素出錯問題？潮州粉果，皮不算厚，算足料正常；流沙包，好似紫色又橙色又黃色，無流沙就預咗，可以無乜味先係經典；仲有一、兩樣，好似係煎嘅物體，可以食唔知係乜就更經典，拍檔話係「百年難得一遇」！
推介：辣椒油，要靠佢先勉強將食物放入口，但正常人係唔會用馬拉糕同流沙包點辣椒油。
最後奉上潮州功夫茶，4人連11-12個點心，加一罐可口可樂，埋單$401，貴唔貴就見人見智，但難食就好肯定。
Post
