梅光軒 (登龍街) (Closed)

永遠策略中國節日食東南亞或者西餐，西方節日食中菜打邊爐，咁就唔洗同人迫餐死，中秋日個個返屋企或者食中菜，難得正日唔洗做節，男友又放假，更係行下街啦，雖然維園花燈一年比一年差，但總係想去行下，去維園前係銅鑼灣食飯，登龍無一間要排隊可以慢慢選，梅光軒舖唔大，坐位不多，通常要排隊，係唔洗排，不過好多野賣晒男友叫左味噌拉麵正常份量，我叫左醬油湯半份拉麵，拉麵幾好食，湯就普通左，要惜食唔好做大晒鬼，好多時半份都係平幾蚊，呢度半份平20幾蚊，就用差價叫左一份兩件牛肉炸薯餅，食到即用新鮮油炸，表皮係好香麵包味，女仔真係可以考慮叫半份麵+一件薯餅剛剛好夠飽，又唔會太肥，下次要試忌廉蟹肉炸薯餅