貴德宮私房素宴

Open Now

Now Closed

今日去呢間餐廳好特別，首先佢係一間素食嘅私房菜。但係佢有固定餐牌，基本上每張枱食嘅嘢都一樣，餐牌每個月會轉一次。晚餐total有九道餸兩款甜品。聽聞午餐會少兩款。環境闊落，每張枱與枱之間會有屏風阻隔住，私隱度高。裝飾主要以中式古典風格為主。店員個個都好有笑容同禮貌。每上一道餸之前都會有人幫你執走上一道餸啲碗碟，服務相當細緻。如意卷千色拼盤呢個拼盤真係五光十色，裡面有蟹柳壽司、皮蛋蕃茄菜絲、粉皮芝麻同埋豆腐，特別係嗰啲以假亂真嘅肉片，口感同味道都好接近肉，食咗簡直會懷疑自己係食素。香草百寶袋呢碗冬陰功湯煮嘅腐皮包，真係一絕！裡面包住咗粟米同冬菇，湯底帶有濃郁嘅香料味，完全冇人會諗到呢碗係齋食，食落去口感豐富，真係好好味。照燒釀大啡菇大啡菇釀嘅材料實在太神奇，口感同味道完全可以比擬肉類，根本唔會令人懷疑係素食。照燒醬嘅味道亦好入味。芝香五穀糍粑 呢個糍粑外脆內軟，芝麻香味十足，搭配五穀，食落去有一種健康嘅感覺。藥膳翡翠包三角形嘅包菜包住粉絲同素菜粒，賣相靚到不得了。味道方面，當歸同蔘嘅香氣令我驚艷，食完之後感覺身體都舒服咗寄松茸雪梨養生湯呢碗湯色香味俱全，入面有紅蘿蔔、粟米、茅根同南北杏，