大自然素食

Open Now

Now Closed

呢間位於太子始創中心噶大自然素食，真係好味，有時感覺真係唔似素食，已經唔係第一次來，有時還要等位，不過今日就不用，因為係過左食飯時間先來，但都係好多人，可以證明幾多素食愛好者，一來就送個涼拌雲耳，少少辣，都好爽脆，我們就點左麻醬雞絲粉皮，食落去超似真噶雞絲，配埋濃稠噶麻醬，底部還放左青瓜絲，配搭好好，第2個就係福建炒飯，用素火腿，素蝦，但食落去完全同平時噶福建炒飯無分別，炒飯都好有鍋氣，第3個就係每次都必點噶鮮竹銀杏湯浸翡翠苗，湯鮮甜，豆苗嫩，有銀杏腐竹，份量多，第4魚香肉碎焗棉花茄子，呢個都要比個讚，面還有少少芝士，裡面噶茄子是去皮手撕噶，唔會有平時噶皮，肉醬就好似平時食西餐噶肉醬，但係素豬肉，整體效果好好，第5就係生煎菜肉餃，皮脆，裡面有木耳加其它素菜，都超飽肚。整體來講素食不再咁單一啦！