凱悅軒

Open Now

Now Closed

喺香港想食中式點心放題嘅地方實在唔多，想喺酒店裏邊嘅中菜廳食中式點心放題更加難搵，凱悅軒係我認為理想之選，呢度地方雖然唔算大，但係一入到黎就感覺到係酒店高級嘅食肆，加上有落地玻璃，下午時間嚟呢度食飯，光猛開揚，座位與座位之間相當寬闊舒服，傾吓計食下野，確實享受。服務方面，亦相當周到細心，今次我地一行9人嚟食，有7位先到，我哋先叫咗7個湯，另外2位之後到咗，侍應竟然唔使我地叫，自動攞咗兩個湯比後來嚟嘅兩位朋友，呢種服務絕對五星級。👍🏻👍🏻至於落單上菜亦非常快捷，睇得出每一樣食物都係即叫即整，上枱嘅時候都係熱辣辣，食物質素都相當之高，雖然每位埋單計＄360，但以食物，環境同服務三樣嚟評價，絕對超值，值得一試。