睿海御宴 (Closed)

之前已經嚟食過一次，環境舒服，嘢食高質，所以揀咗呢度encore同家人聚會。首先係豐料功夫湯，個名改得好，因為佢個造型就好似功夫茶咁，但入面其實係湯嚟嘅，而且好足料，藥材同雞腳都炆到好淋，連骨都咬得碎。跟住係青檸焗肉排，同平時食開嘅咕嚕肉唔同，用青檸，個酸味再出啲，好fresh，肉排肥瘦適中。食完之後，職員仲送咗我哋每人一碗紅豆沙，好足料！好濃嘅陳皮味。呢間餐廳所有嘢都好精緻，分量剛剛好，食完唔會話太飽，又唔會好口渴，證明唔係落好多味精，欣賞。