你妳 (運通洋樓) (Closed)

突然想食台灣野，行過見到呢間好似唔錯就入左去你妳芋泥吐司套餐 $68芋泥肉鬆吐司+ 芋泥肉鬆蛋餅吐司包皮都幾硬同脆，芋泥同肉鬆都幾多，幾足料，可惜整體比較乾。芋泥味唔突出，但好match，如果芋頭味太濃會搶咗肉鬆味，佢啲味道調配得啱啱好，口感又多層次，試得過。芋泥肉鬆蛋餅 $40幾大份，開頭食到蛋餅餅皮既煎味，之後會食到肉鬆味，蛋味，最後係芋泥味，芋泥味到最後會慢慢滲出嚟，味道幾豐富。台灣士林香腸 $38幾好食幾有咬口，好大陣蒜味同蜜糖味，整體幾入味。夜市鹽酥拼盤 $79四季豆：會食到好強鹽酥味，有啲太咸，保留到小小菜既甜味。鹽酥雞：唔錯，炸得幾脆，中上質素蝦卷：不過不失，無乜特別甜不辣：好似食緊年糕，有陣特別嘅面粉味。高雄紅茶牛奶小珍珠 $32啲珍珠好軟爛，無乜咬口，飲唔到奶味，好淡。白桃烏龍茶 $29白桃味都幾出，又飲到茶味，唔錯。仙草。大滿貫 $54仙草底芋泥同仙草match三色圓淨係食到芋圓係芋頭味其他都冇咩味芋圓入面有芋頭粒很煙韌，整體成碗野係口感好豐富。細粒果啲得綠茶味食到有綠茶味，其他味都無咩味，好似咬面粉咁，但好煙韌。口感嚟講做得幾出色。總結，中意食芋頭同芋圓既人必食！