kikusan (Closed)

是日晚上原本想去希慎食日式火鍋，途中見到呢間裝潢幾有氣氛又唔洗排隊既餐廳，店員有禮貌介紹係中日菜，就入去試試啦。餐廳中間有頗多圓枱，用餐應該空間感十足。被安排坐餐廳左邊既方枱，雖然都係二人枱但其實係同旁邊既枱貼住，有搭枱既感覺，大家講野都聽得好清楚，呢樣扣少少分。當晚點餐食物如下：kikusan卷招牌菜幾乎人枱一碟，海膽同明太子都食得出用料新鮮，溫度適宜，唔會太凍入唔到口。不過份量唔算多，cp值不太高。燒豚腩呢件五花燒得岩岩好，軟硬度適中同油脂配合得好好，不過同行友人話黑胡椒落得太重手搶左豚肉本身香味。燒雞串焦香味十足，可惜有好多位都焦黑，要咬走先食得，但juicy同肉質都ok。小籠包皮夠薄，餡料正常，湯汁如果再多少少就更好，no surprise。擔擔麵呢個唔推薦，花生味不夠濃，比較稀沒有擔擔麵既濃厚感，麵質正常。整體用餐經驗不錯，只是個別食物cp值較低，日式菜食料新鮮。