笑笑居樂屋 (Closed)

星期一夜晚黎食，店員話有放題，但因為唔係太肚餓就冇要放題，決定散嗌。可能因為咁黎嘅野都係hea嘅放題質素。嗌咗個炸雞軟骨，成陣麥樂雞味又唔脆又唔熱，畀個menu 呃晒串燒拼盤，雖然係熱嘅，但大部分嘅都係燒焦，咁就八十三蚊。炒面奄列好啲，唔出錯，味道。特製日式餃子都係熱嘅，不過不失啦。天婦羅真係喊出黎，蝦係冇出事，但係青椒就係第一次食到咁⋯⋯大大舊青椒，入面出晒水。員工服務參差，有啲好有禮貌會埋黎主動serve，有啲就串串貢，我問下我張單係咪齊，佢話你唔記得我都幫你唔到。 散嗌人均一百六到，放題就一人240。無論係想剩係食少少日本料理定放題食到盡，呢個價錢絕對有更好選擇。唔會再黎食。