土耳其小城 (萬昌樓) (Closed)

經過偶然一試，發現到呢間抵食中東菜😛二人叫左以下菜式，非常之飽，$300唔洗💰⭐香酥茄子夾雞係圓圓茄子包住雞肉。有6舊都幾大舊。熱辣辣外脆內軟唔多炸粉。茄子同雞肉都非常入味而且唔過咸😛⭐草原串燒牛肉有8串分量幾ok。睇佢表面汁醬都幾深色但食落又唔算太咸喎，惹味得黎肉又唔鞋。上面有點點芝麻增添香味。⭐土耳其薄餅應該係中東最出名嘅菜式。烤焗嘅薄餅就算係原味都非常好食。小小脆嘅邊，煙韌嘅粉皮，帶有少少麵粉嘅奶油味，夠香夠滑。⭐咖喱克勒雞肉炒飯，黃黃橙橙好搶眼。佢啲飯比較大粒，炒得粒粒分明又唔太油。中間有隻蛋，旁邊有蕃茄，令成個炒飯更加豐富。雞肉溶入曬咖哩味，肉質亦都ok。如果想試下中東野，又近元朗嘅話，呢間真係幾推薦。