Steak Bar (Moved) New Location

已經一段時間無去過中環，今次去到聞名食吉列牛扒嘅餐廳，滿足各位愛牛之人。呢間餐廳位處於蘭桂坊，雖然店舖空間較為細，但勝在食物質素出眾。上菜速度快，好快就有吉列和牛食，上枱時仲有個熱辣辣嘅爐，方便大家將半生熟嘅吉列牛再煎熱或更加熟，牛肉本身有粉嫩嘅肉色，口感嫩滑，入口時完全無雜質，而外皮香脆，加上有火爐嘅熱力，令香味更加濃郁。除此之外，仲叫左一客叫魷魚，原條魷魚切件去炸，香口十足之所以，份量亦夠豐富，假若仲未覺得滋味，放上熱爐上同吉列牛一齊燒熱，雙重香味、雙重口感，夠晒享受。