Video
Read full review
2022-09-24
2129 views
-𝟭𝟭𝟭𝟭 𝙊𝙉𝙀𝙎 𝙍𝙚𝙨𝙩𝙖𝙪𝙧𝙖𝙣𝙩 𝙖𝙣𝙙 𝙇𝙤𝙪𝙣𝙜𝙚之前食omakase / Fine Dining 果陣都會諗唔同國家都有自己特產既野黎做唔同既菜式如果用香港菜做主題 又會可以有咩菜式呢？1111 Ones 正好就用做香港集體回憶黎做主題將香港特色融入菜式中 做出屬於香港人既Fine dining🤩餐廳最近同香港漫畫家 - 曹志豪先生合作 成個用餐體驗就係由一張張漫畫 postcard既形式去介紹每一首菜式以及當中連繫分別既故事 非常有心思💞除此之外 餐廳既裝潢設計亦都係賣點之一主要係以羚羊峽谷為設計靈感 周圍都係橙色流線形組成開放式廚房亦都係賣點之一 客人可以坐係吧枱 睇住成個烹調過程 亦可以同Chef 有直接既互動同佢親自講解每一道菜式！✨Tasting Menu ($1288/pp)🥂Welcome drinks - Champagne🍞Bread - 蔥油餅配黃豆醬牛油中式既蔥油餅 + 黃豆醬 + 西式牛油 同以往食過既蔥油餅好唔同 呢度既係非常鬆軟 剛好微溫既蔥油餅將特製牛油融化 滲入啲蔥油餅既紋路個醬係鹹香味濃 食落香得黎唔油膩 好好味🤌👨🍳表示漫畫 係香港
𝟭𝟭𝟭𝟭 𝙊𝙉𝙀𝙎 𝙍𝙚𝙨𝙩𝙖𝙪𝙧𝙖𝙣𝙩 𝙖𝙣𝙙 𝙇𝙤𝙪𝙣𝙜𝙚
之前食omakase / Fine Dining 果陣都會諗
唔同國家都有自己特產既野黎做唔同既菜式
如果用香港菜做主題 又會可以有咩菜式呢？
1111 Ones 正好就用做香港集體回憶黎做主題
將香港特色融入菜式中 做出屬於香港人既Fine dining🤩
餐廳最近同香港漫畫家 - 曹志豪先生合作
成個用餐體驗就係由一張張漫畫 postcard既形式去介紹
每一首菜式以及當中連繫分別既故事 非常有心思💞
除此之外 餐廳既裝潢設計亦都係賣點之一
主要係以羚羊峽谷為設計靈感 周圍都係橙色流線形組成
開放式廚房亦都係賣點之一 客人可以坐係吧枱
睇住成個烹調過程 亦可以同Chef 有直接既互動同佢親自講解每一道菜式！
✨Tasting Menu ($1288/pp)
🥂Welcome drinks - Champagne
🍞Bread - 蔥油餅配黃豆醬牛油
中式既蔥油餅 + 黃豆醬 + 西式牛油
同以往食過既蔥油餅好唔同 呢度既係非常鬆軟
剛好微溫既蔥油餅將特製牛油融化 滲入啲蔥油餅既紋路
個醬係鹹香味濃 食落香得黎唔油膩 好好味🤌
👨🍳表示漫畫 係香港既集體回憶 + 夕陽行業
好多人係70-80年好多人都會黎香港觀摩 交流
所以佢好希望將香港集體回憶 由漫畫既方式帶出黎畀人知
同時又可以帶大家遊走香港 食盡香港美食👏
🥚Egg Waffle Rolls
Inspired by 元朗元朗真香餅家既美味蛋卷
早期係同真香餅家合作出呢道菜式 全人手製作
因為已婆婆80幾歲 供應上出現問題 而轉左供應商
蛋卷總共有3個味 各有特色-
1️⃣咖喱椰菜花配Osetra Caviar
真係冇諗過平時食開椰菜花可以配蛋卷 仲要加魚子醬！
係一款充滿東南亞 + 亞洲風味 食落鹹鮮 有夠惹味
2️⃣大蒜忌廉芹菜
用上平時家常便飯既菜去做 呢款就比較有香港特色味道
3️⃣港式珍珠奶茶吉士醬
當中既奶茶係由一班好有心既後生仔做既“師父好茶“提供
吉士醬creamy 得黎 奶茶香都好突出 蛋卷上有粒珍珠
本身以為會好奇怪 點知係意外地好食🙊
✨Salted Fish and Eggplant
Inspired by 係大澳漁港風情
👨🍳巧妙地重新演繹左香港菜 - 魚香茄子
用炸左柴魚 木魚 鰹魚 黎做既高湯
加上大澳梅香鹹魚 炒香整乾 再整碎變粉同三文魚籽
茄子上加上紅菜頭啫喱 令口感增添爽脆感
最後放入炒香過既蔥整成既蔥油
伴碟都十分令 用綠色既海苔粉造出生命之花圖案
有著新生命誕生既意義 同時代表住新魚香茄子
成個組合冇原本既油膩 漿口 好鹹既味道
但保留左魚既鮮香味 除左比之前增添口感之外
仲多左清新感覺 而且海苔味好香 好有海洋味道~
而爆汁茄子 三文魚籽 口腔入口味道同口感同時爆開
估唔到魚香茄子都可以變成咁高級好味既Fine dining菜
✨"Typhoon Shelter" Soft Shell Lobster
Inspired by 銅鑼灣避風塘
避風塘炒蟹既靈魂之處就係個調味粉
除左有原本既材料之外再加入北海道蝦子 蝦乾
全部磨成粉 用天婦羅形式去炸本地養殖既軟殼龍蝦
配法式傳統沙巴翁蛋黃汁 當中有蛋黃 醋 牛油
而個軟殼龍蝦係半生熟 口感爽口彈牙 肉質鮮美💞
成個味道保留到避風塘既惹味之外仲增添左法式清新感
真心好味！ 唔夠喉呢~
✨Consomme
Inspired by 上環永樂街一間海味店
呢個係大貝殼形碗入面放左一粒足料做既餃子
配上一塊海參脆片 後上用茶壺裝有既羊肚菌湯
想講呢個真係不得了！
首先羊肚菌用左茶葉方法去風乾再燉 10幾個鐘
係未放入菇之前於焗住焗個味出黎 就唔會有酸味
而製作湯底仲用左雞 豬骨 菜 海參 螺頭 蝦乾瑤柱
所以個湯好有海味既香味 完全入晒味 🤩
而餃子就非常足料 有海參 螺頭 蟲草花 竹笙 白酒煮蜆
個人中意個餃子 皮薄餡令 食到粒粒材料 海參既彈牙
螺頭既嚼口 蟲草花既咬口 白酒既香氣傾湧而出 🤌
令成個組合味道更上一層樓 ✨
另外餃子上配有自家製海參脆片 外型仿效左北方鍋貼
可以就咁食/ 浸湯食 其實真係好特別 有啲似日本蝦乾🤣
配埋湯變得少少軟稔都好味 大愛💞
✨Meat
Inspired by 龍鳳大禮堂既舊式婚宴食乳豬
重演繹乳豬既食法 用左3個部位 3個煮法：
1️⃣68度慢煮既乳豬 加上香脆既皮
由於原本既燒豬都係用玫瑰木去燒
為左增加玫瑰香氣 侍應會香水樽噴上荔枝玫瑰露酒
可以見到香水樽係好粉紅 因為係拎左玫瑰花辮整
噴完真係好香 好特別 即刻好有胃口🤭
2️⃣黑毛豬叉燒卷
用左豬頸肉同背脊 整到雲石紋 食落好稔 冇筋 好好味！
叉燒下面有柱候醬蘿蔔 用大白蘿蔔汁去煮 好清甜又入味
3️⃣三層既東坡肉
Inspired by 豬腳薑 用上老字號八珍甜醋煮 好有風味
糖蒸新鮮橙皮 扮陳皮 加入食用炭
擺碟有用左菠蘿purée 焦糖蘋果 同日本梅甜酸醬畫出黎
加埋日本蓄茄仔係隔離解膩 甜度超高！
✨Tofu
Inspired by 深水埗公和荳品廠
可以講係港式豆乳Panna Cotta
因為用左豆漿去做布甸 上面有蓮子蓉話梅Sorbet
豆味好香濃 不過較為低糖 所以用白蓮子蓉提升甜度
側邊加上清新花香既桂花漿 同醋 吊番個酸味出黎
食落其實有啲似桂花酒釀丸子🤤 不過就偏酸甜酸甜
頂部仲有好令既蓮花圖案既Raspberry Butter Chip
✨甜品盒
木盒放有荔枝棉花糖 青花椒藤椒油蛋糕 同杏仁朱古力
估唔到連snacks 都可以咁有特色 都係冇食過既組合
最有驚喜其實係青花椒藤椒油蛋糕💞
微辣香口 蛋糕鬆軟唔乾 感覺幾有助清除口腔既油膩口氣
Post
