BKK

位於PMQ嘅泰國菜 @bkk 新開冇耐已經充滿人氣，終於食到呢間bookmarked嘅餐廳！環境以暗紅色為主調，充滿泰國風情，座位亦好闊落，好適合食個chill嘅lunch或者晚餐。今次食咗餐廳嘅lunch set，性價比好高👍🏻----------------------------冬蔭功湯冬蔭功湯唔算辣，香茅味比較濃。大蝦大大隻幾爽彈----------------------------泰北咖喱全蛋麵呢個係每次食泰菜必點嘅。上菜嘅時候熱辣辣、香氣撲鼻，而且全蛋麵索曬啲湯真係好正～ 湯底濃稠且充滿椰香味，如果唔太食得辣呢個會好啱口味！----------------------------虎蝦金邊粉金邊粉落咗羅望子醬，酸酸甜甜。金邊粉同一般食嘅有啲唔同，比較煙韌，幾特別😆----------------------------香辣炒通菜 通菜爽脆，帶啲辣勁，幾惹味🥬----------------------------芒果椰汁糯米飯 芒果幾鮮甜，椰汁綿密而且唔太甜