Video
Read full review
2022-10-07
745 views
中環近年開咗好多新派居酒屋，全部都係以fusion為主題。今次嚟到都係歡呼聲好高嘅Censu，試下係咪真係咁好食！佢嘅位置係喺歌賦街，鄰近九記牛腩，老實講都幾嘥腳骨力，嗰日去到見到好多人都行到身水身汗🤣不過門口設計好有日式風情，隔離仲有一個小小嘅窿仔比客人坐低食煙，幾貼心。餐廳座位唔算多，以高枱同吧枱為主。當日場內見到有好多一大班嘅朋友喺度敘舊飲酒，相當熱鬧同有氣氛！溫馨提示，星期五、六、日同公眾假期嚟食係有最低消費，人均要$650，佢打電話嚟confirm Booking嘅時候都會講埋。餐牌有a la carte同omakase揀，大家可以自由選擇🤗我哋當日係揀咗a la carteyster唔記得當日係咩蠔了，但真係勁大隻勁肥美。重點係，連我呢個好怕腥嘅人，竟然可以喺唔用檸檬汁嘅情況下，成隻食落肚，仲要係完全冇夾硬食落去感覺🤣證明佢真係新鮮！我哋一共叫咗三隻，因為要湊夠數😂Potato SaladThe best potato salad in town!!首先要讚嘅係佢頭嘅炸薯片，超薄超脆超新鮮！而佢嘅沙律係以薯蓉為主角，勁綿滑好易入口，仲加咗少少酸醋去調味，降低咗個飽膩感。沙律
佢嘅位置係喺歌賦街，鄰近九記牛腩，老實講都幾嘥腳骨力，嗰日去到見到好多人都行到身水身汗🤣不過門口設計好有日式風情，隔離仲有一個小小嘅窿仔比客人坐低食煙，幾貼心。
餐廳座位唔算多，以高枱同吧枱為主。當日場內見到有好多一大班嘅朋友喺度敘舊飲酒，相當熱鬧同有氣氛！
溫馨提示，星期五、六、日同公眾假期嚟食係有最低消費，人均要$650，佢打電話嚟confirm Booking嘅時候都會講埋。餐牌有a la carte同omakase揀，大家可以自由選擇🤗
我哋當日係揀咗a la carte:
Oyster
唔記得當日係咩蠔了，但真係勁大隻勁肥美。重點係，連我呢個好怕腥嘅人，竟然可以喺唔用檸檬汁嘅情況下，成隻食落肚，仲要係完全冇夾硬食落去感覺🤣證明佢真係新鮮！我哋一共叫咗三隻，因為要湊夠數😂
Potato Salad
The best potato salad in town!!首先要讚嘅係佢頭嘅炸薯片，超薄超脆超新鮮！而佢嘅沙律係以薯蓉為主角，勁綿滑好易入口，仲加咗少少酸醋去調味，降低咗個飽膩感。沙律中間仲加咗啲薯仔粒，令成個前菜更有咬口😜
Flathead Lobster Kataifi
Kataifi，酥皮絲，外型同蘿蔔絲酥餅有啲似🤣但今次佢入面包住嘅係粒粒龍蝦肉，外脆內軟，出面仲有啲辣辣哋嘅同醬汁，令成個菜更惹味🥳唯一唔好就係夾嘅時候會好易散開😢
Unagi Burger
好有趣嘅海鰻三文治，但驚喜度好一般。鰻魚質素尚可，燒汁好食。但外面嘅紫菜太快變淋，冇辦法連埋鰻魚同飯一齊食。同埋呢個菜唔太啱share，一個人食先至可以handle到😂
Unigiri
Uni x onigiri，海膽飯糰。就咁當飯食又得，連佢嘅湯一齊當茶漬飯食又得。海膽好新鮮，都好甜，而且份量唔少，可以做到啖啖海膽食落肚🙋♀️不過呢個飯就真係要趁熱食，唔係攤凍咗就會變硬，難消化咗。
Almond Tofu
成餐飯以清新嘅杏仁豆腐作結😽陣陣嘅清新檸檬味起咗好好嘅消滯作用。不過盛惠$88，性價比高唔高就見仁見智啦🤣
Post
