尚盛潮州海鮮飯店

✨潮州卥水鵝片（例），潮州嘢點少得食佢嘅經典傳統滷水鵝片，我哋得兩個人，所以淨係叫咗個例牌大家食吓！本身我個人嚟講都幾鍾意食鵝，所以對佢嘅鵝片都有一定的期望！鵝片非常入味，而且佢切嘅時候唔會太薄，咬落去嘅時候亦都有口感。入口充滿鵝肉嘅油香，而且口感上亦都做得非常好，唔會太硬，食得出餐廳本身食材嘅質素，朋友都非常推薦呢一個菜，我同佢都忍唔住食完一件又一件！真係非常好食！✨炆大芥菜煲，芥菜煲加咗金華火腿嘅鮮味，成件事非常高級，味道亦都非常鮮甜！亦都有其他嘅配菜，例如冬菇同埋紅蘿蔔，成個口感更加豐滿！✨椒鹽鯧魚骨腩，做得非常香，而且嚟到嘅時候咋渣聲，店員亦都好細心咁同我哋講小心熱，鯧魚骨腩本身非常有油香味，再加埋椒鹽嘅味道，非常有鑊氣，而且味道完全不腥，我同朋友都非常鍾意食！而且份量都非常多，覺得非常惹味！✨潮州反沙芋(例），呢個係一個潮州菜式經典嘅菜式，坊間好少地方食到呢一個菜，難得今日嚟到呢一間潮州餐廳，咁梗係試吓！餐廳用咗芋頭外層再包入一層薄薄既白色糖霜，咬落去之後外層酥香而且入口都有甜味，裏面嘅口感就非常鬆軟，呢一個甜品真係非常經典，而且佢嘅程序功夫亦都非常考師傅嘅工架，第一次食到呢