Video
Read full review
2018-04-17
175 views
多得銀行界好友帶路，始能踏足中環人秘竇，一嚐銀行家高級中菜！這裡其實唔難搵，位於皇后大道中與雲咸街交界的南華大廈，搭上5樓就是。好友係識途老饕，點了幾道招牌菜，百花炸釀蟹鉗、宮廷京烤骨、芹香炒鴿甫……真係食到耳仔郁！ 先講百花炸釀蟹鉗，BB仔拳頭咁大既蟹鉗炸到金黄色，蝦膠爽彈有咬口，蘸點酸汁更惹味。 宮廷京烤骨出面好少食得到，選用豬腩一字骨，厚重的肉身炆至啡黃，皮下脂肪豐膄，經理還幫我們細心拆骨起肉，可以大啖大啖咬落去，入口即溶，酸汁吊起腩肉鮮味，仲有菠蘿伴碟，無得輸！ 芹香炒鴿甫這道菜師傅真有心，跟一般既燒乳鴿唔同，炸得香脆鴿翼雙飛放碟邊、 鴿頭放碟前端、鴿身起肉切片炒香，再鋪滿綠翠西芹加香蒜片，一鴿兩食創意美味滿分。 上湯生菜鯪魚球豆腐煲，鯪魚球加上滑滑嫩嫩豆腐切件，磨菇、生菜、果皮，清潤正氣，老幼咸宜。 香茜皮蛋牛崧羹，依家少咗酒家做這道菜，這兒做得好正宗，豆腐滑、牛崧爽、皮蛋彈，芫茜是靈魂所在，香菜喎！成煲嘢香晒！ 五代同堂炒飯，用了芥蘭、鮮蝦肉、炒蛋、蝦米和蝦子，跟粒粒分明既炒飯，係絕配！ 甜品時間，經理奉上生磨杏汁焗雪山包，濃滑杏汁好盪口，食時小心，雪山包焗至皮脆可口，好
先講百花炸釀蟹鉗，BB仔拳頭咁大既蟹鉗炸到金黄色，蝦膠爽彈有咬口，蘸點酸汁更惹味。
宮廷京烤骨出面好少食得到，選用豬腩一字骨，厚重的肉身炆至啡黃，皮下脂肪豐膄，經理還幫我們細心拆骨起肉，可以大啖大啖咬落去，入口即溶，酸汁吊起腩肉鮮味，仲有菠蘿伴碟，無得輸！
芹香炒鴿甫這道菜師傅真有心，跟一般既燒乳鴿唔同，炸得香脆鴿翼雙飛放碟邊、 鴿頭放碟前端、鴿身起肉切片炒香，再鋪滿綠翠西芹加香蒜片，一鴿兩食創意美味滿分。
上湯生菜鯪魚球豆腐煲，鯪魚球加上滑滑嫩嫩豆腐切件，磨菇、生菜、果皮，清潤正氣，老幼咸宜。
香茜皮蛋牛崧羹，依家少咗酒家做這道菜，這兒做得好正宗，豆腐滑、牛崧爽、皮蛋彈，芫茜是靈魂所在，香菜喎！成煲嘢香晒！
五代同堂炒飯，用了芥蘭、鮮蝦肉、炒蛋、蝦米和蝦子，跟粒粒分明既炒飯，係絕配！
甜品時間，經理奉上生磨杏汁焗雪山包，濃滑杏汁好盪口，食時小心，雪山包焗至皮脆可口，好飽足。
Post
